АБНА24 Хәбәр Верир, АБШ президенти Доналд Трампын Флорида штатында кечирилән ағдәрилиләрин хүсуси митингиндә бир нәфәрин иргчи шүарлар сөjләдиjи барәдә паjлашдығы твитин силинмәсиндән сонра Ағ Евин мәтбуат катибинин мүавини Ҹудд Диер буну әсасландыраркән деjиб: "Трамп бу видеодакы сөзү ҝедән шәхсин сөjләдикләрини ешитмәjиб". Бу твитин силинмәсиндән өнҹә, jеҝанә гарадәрили республикачы сенатор Тим Скотт деjиб: "Трампын ретвит етдиjи видео тәһгирамиз вә изаһолунмаздыр". Трампын иjунун 28-дә өз Твиттер сәһифәсиндә ретвит етдиjи видеонун бир һиссәсиндә башында Трам тәрәфдарларынын папағы олан ағдәрили бир киши америкалы иргчи ағдәрилиләрин истифадә етдиjи "Ағ ҝүҹ" кәлмәсини гышгырыр. Трампын бу твити анти-расизм фәалларынын һиддәтинә сәбәб олуб. Бу нашыjана һәрәкәт һәфтәләрдир АБШ-ын мүхтәлиф шәһәрләрини бүрүjән ирги тәлатүмләр вә иргчилиjә гаршы етиразлар дөнәминә тәсадүф едиб.
342/
