Абна24 хәбәр верир, Атом Енержиси үзрә Беjнәлхалг Аҝентлиjин директорлар шурасынын сиjаси вә геjри-техники гәтнамәсини көкүндән рәдд едән Сеjjед Әббас Моусәви вурғулаjыб: Иран Ислам Республикасынын аҝентликлә ән jүксәк сәвиjjәдә әмәкдашлыг етдиjи бир һалда, директорлар шурасынын гәтнамә гәбул етмәси тамамилә геjри-конструктив вә мәjуседиҹидир. Моусәви аҝентлиjин тәләбләринин Америка башда олмагла бәзи һөкумәтләр тәрәфиндән шиширдилмәсини Иран илә аҝентлик арасындакы әмәкдашлыгларын jолунда jени бир бөһранjаратма үзрә ашкар сәj адландырыб. Аҝентлик тәрәфиндән белә тәләбләрин ирәли сүрүлмәсинин шүбһә доғурдуғуну билдирән Моусәви геjд едиб ки, Теһран-МАГАТЕ мүнасибәтләриндә ҝәрҝинликjаратманын мәсулиjjәти бу гәтнамәнин әсасыны гоjанларын үзәринә дүшүр. Иран Ислам Республикасы Хариҹи Ишләр Назирлиjинин сөзчүсү һәмчинин шәраити дәгиг анализ етмәк вә бу гәтнамәнин архасындакы һәдәфләри танымагла ону мүшаиjәт етмәкдән чәкинән дөвләтләрә тәшәккүр едибдир.
342/
