АБНА- Әһли Бејт (әлејһимус-сәлам) Хәбәр Аҝентлијинин вердији хәбәрә әсасән, Сеййед Әббас Моусәви Америка режиминин бу мәсәлә илә бағлы сон мөвгейи вә Иранын дахили ишләринә гарышмасыны мәзәммәт вә гейд едиб ки, бу ҹүр мүдахиләләр Иран халгынын инкишаф үзрә әзмкарлығына әсла бир хәләл ҝәтирмәйәҹәк.
Моусәви һәмчинин вурғулайыб ки, һеч бир гәтнамә Ирана космоса пейк ҝөндәрмәйи гадаған етмир вә Американын 2231 сайлы гәтнамәйә истинад етмәси мүтләг шәкилдә йерсиз вә реаллыға зиддир.
Иран Ислам Республикасы Хариҹи Ишләр Назирлийинин мәтбуат катиби сонра дейиб: Америка нүвә анлашмасындан чыхмагла нәинки БМТ Тәһлүкәсизлик Шурасынын 2231 сайлы гәтнамәсини позубдур, һәм дә бу гәтнамәни позмалары үчүн диҝәр мүстәгил өлкәләри дә ашкар шәкилдә тәзйиг алтында гойур.
Моусәви Нур пейкинин космоса атышы илә бағлы Берлинин дә мөвгейини рәдд едиб. О, дейиб: Алманийа хариҹи ишләр назирлийи иранлы мүһәндисләрин сәйләри илә дүзәлдилмиш пейкин космоса ҝөндәрилмәсиндән ниҝаранчылыг едиб, һалбуки бу өлкәнин мүдафиә назири нүвә бомбасы дашымаг габилиййәтинә малик олан гырыҹы сатын алмаг үзрә гәрарыны медийайа чыхарыбдыр.
Иран Ислам Республикасы Хариҹи Ишләр Назирлийинин мәтбуат катиби даһа сонра сөйләйиб: Бу ҹүр икили сийасәтләр реҝион, Авропа вә дүнйанын тәһлүкәсизликләрини тәһдид едир.
«Нур» сүни пейки Иран Ислам Республикасынын илк һәрби пейки кими чәршәнбә ҝүнү сәһәр Сепаһ васитәсилә Иранын мәркәзи сәһрасындан үч етаплы «Гасид» пейкдашыйыҹысындан космоса атылараг, йерин 425 километрлик орбитиндә йерләшди.
.............
340
25 aprel 2020 - 09:05
Xəbər kodu: 1029597
Иран Хариҹи Ишләр Назирлийинин сөзчүсү билдириб ки, елм вә технолоҝийанын хүсусән һава-космос саһәсиндә инкишафы Иран халгынын гануни һаггыдыр. О, дейиб ки, Нур пейкинин космоса уғурлу вә гүрурлу атышы динҹ мәгсәдли вә Иранын мүдафиә сийасәти истигамәтиндәдир.
