Һеч бир стелс тәййарә «Хәлиҹе Фарс» системинин ҝөзүндән йайына билмәз

АБНА- Әһли Бејт (әлејһимус-сәлам) Хәбәр Аҝентлијинин вердији хәбәрә әсасән, Апрелин 19-да Иран Ислам Республикасы Ордусунун баш команданы ҝенерал-лейтенант Сеййед Әбдоррәһим Моусәвинин иштиракы илә кечирилән мәрасимдә «Морагеб» вә «Хәлиҹе Фарс» стратежи радар системләринин тәгдиматы олду.

Иран Ислам Республикасы Ордусунун Һава Һүҹумундан Мүдафиә Гүввәләринин Тәдгигат вә Игтисади Мүстәгиллик Ҹиһады Тәшкилатынын сәдри бригада ҝенералы Сәмәд Ағамоһәммәди дүнән ахшам Иранын 1-ҹи телеканалы илә сөһбәтдә сонра белә дейиб: «Морагеб» вә «Хәлиҹе Фарс» стратежи радар системләри, малик олдуглары мәнзилләрлә дүнйайа вә һәрби сәнайейә хас вә фәргли бир өзәллик тәгдим етдиләр.

Бригада ҝенералы Ағамоһәммәди билдириб ки, «Хәлиҹе Фарс» радар системинин хариҹи охшары йохдур. О, дейиб: «Хәлиҹе Фарс» радарында 800 километр мәсафәдән атмосферә дахил олуб, ондан чыхан һеч бир стелс тәййарә вә һәтта баллистик ракет бу радарын ашкарлама торундан гача билмәз.

Иран Ислам Республикасы Ордусунун Һава Һүҹумундан Мүдафиә Гүввәләринин Тәдгигат вә Игтисади Мүстәгиллик Ҹиһады Тәшкилатынын сәдри сөйләйиб: «Морагеб» радары да 400 километр мәсафәдә дәгиглик вә сүрәтлә ейни вахтда 300 һәдәфи анализ едәрәк, өлкәнин һава һүҹумундан мүдафиә системинә тәгдим едә биләр.

Бригада ҝенералы Ағамоһәммәди билдириб ки, бу радарлар Иран Ислам Республикасы Ордусунун Һава Һүҹумундан Мүдафиә Гүввәләринин мүтәхәссисләри вә стартап ширкәтләринин баҹарығындан истифадә илә истеһсал олунублар. О, вурғулайыб ки, Иран «Морагеб» вә «Хәлиҹе Фарс» стратежи радар системләрини тәгдим едәрәк, дүнйайа билдирди ки, һәрби саһәдә һеч бир радар истеһсалында мәһдудиййәтә малик дейилдир.
.............
340