АБНА- Әһли Бејт (әлејһимус-сәлам) Хәбәр Аҝентлијинин вердији хәбәрә әсасән, Ислам Ингилабынын Бөйүк Рәһбәри Һәзрәт Айәтуллаһулузма Хаменеи бу ҝүн, Гаими Али-Муһәммәд(әҹ)-ин сәадәтли мөвлудунун илдөнүмү ҝүнүндә мөһтәрәм Иран халгына хитаб едилән ҹанлы телевизийа чыхышында Һәзрәт Вәлиййи Әср(әҹ)-ин мөвлуду мүнасибәтилә Иран халгыны, мүсәлманлары вә дүнйадакы бүтүн азадлыгсевәрләри тәбрик едәрәк, елм, ағыл вә тәҹрүбәни бөйүк илаһи немәтләрдән вә бир чох проблемин һәлледиҹиләри адландырыб, лакин ейни заманда белә гейд едибләр: Елм вә ағыл индийәдәк сүбут олундуғу кими әдаләтсизлик дүйүнүнү ача билмәз вә бәшәриййәтин бу һәмишәлик арзусунун һәйата кечмәси илаһи гүдрәт әлинә еһтийаҹлыдыр вә елә буна ҝөрә, Һәзрәт Бәгиййәтуллаһуләзәмин бөйүк тапшырығы, йери әдаләтлә долдурмагдыр.
Ислам Ингилабынын Бөйүк Рәһбәри дүнйада коронавирус хәстәлийиндән ирәли ҝәлән вәзиййәтә вә бу мәсәләнин һөкумәтләр вә халглар үчүн гәрибә вә үмуми бир сынаг олмасына ишарә едәрәк, сөйләйибләр: Ачылышын интизары, шиддәтдән сонра ачылыш мәнасыны да верир. Буна ҝөрә, интизар чәкән инсан бу һадисәдән мәйус олуб, тәлатүмә дүшмүр вә өз сакитлийини горуйараг, билир ки, бу вәзиййәт шүбһәсиз, дәйишәҹәкдир.
Һәзрәт Айәтуллаһулузма Хаменеи Гәрб дүнйасынын коронавирус маҹәрасындакы рәфтары вә фәалиййәтини дә хатырладыблар.
О һәзрәт бәзи Авропа өлкәләри вә Америка тәрәфиндән диҝәр өлкәләрин маска вә әлҹәкләринин мүсадирә едилмәси, коронавирусдан горхуйа ҝөрә, шәхсләрин интиһар етмәләри, йашлы хәстәләрин мүалиҹә олунмамалары, инсанларын силаһ алмаг үчүн нөвбәйә дайанмалары, сатыш мәркәзләринә һүҹум чәкәрәк, бир нечә туалет дәсмалы үчүн бир-бириләринин ҹанларына дүшмәләри вә рәфләри бошалтмалары кими нүмунәләри садалайараг, дейибләр: Бу маҹәрада Гәрб мәдәниййәти вә сивилизасийасы өз мәһсулуну ҝөстәрди ки, бу, фәрдиййәтчилийә, материализмә вә атеизмә сөйкәнән Гәрб сивилизасийасына һаким кәсилмиш фәлсәфәнин тәбии нәтиҹәсидир.
Ислам Ингилабынын Бөйүк Рәһбәри 1-ҹи вә 2-ҹи дүнйа мүһарибәләри, Вйетнам мүһарибәси вә Американын Әфганыстана вә Ирага олмуш һүҹумларыны өтән илләрин мүһүм вә бөйүк һадисәләриндән адландырыб вә белә гейд едибләр: Коронавирус һадисәси дүнйа ҝүҹлүләринин Фәләстин вә Јәмән халглары дахил олмагла мүхтәлиф милләтләрә гаршы зүлм вә залымлыгларындан гәфләтә гапылмайа сәбәб олмамалыдыр. Һәмчинин залым гүввәләрин фитнәләри вә дүшмәнчикләриндән гәфләтә гапылмаг олмаз. Зира «әҝәр биз дүшмәнчилик етмәсәк, онлар да дүшмәнчилик етмәзләр» дейән бәзиләринин тәсәввүрләринин әксинә олараг, империализмин дүшмәнчилийи Ислам Республикасы вә дини демократийа принсипи иләдир.
.............
340
11 aprel 2020 - 07:25
Xəbər kodu: 1024346
Ислам Ингилабынын Бөйүк Рәһбәри мүасир бәшәриййәтин хиласкара дәрин вә ҝениш еһтийаҹынын һисс олунмасынын тарих бойу надир бир мәсәлә олдуғуну билдирибләр. О һәзрәт интизарын һәгиги вә конструктив мәнасына, йәни «Ачылыша вә фәрәҹә, һәмчинин парлаг ҝәләҹәйә наил олмаг үчүн аддым вә һәрәкәтә үмид вә инам»а тәкид едиб вә белә сөйләйибләр: Иран халгы сон хәстәлик сынағында өзүнү йахшы ҝөстәрди вә онун, төвсийәләрин һәйата кечирилмәсиндәки үмуми низам-интизамы вә рәфтары йахшыдыр.
