АБНА- Әһли Бејт (әлејһимус-сәлам) Хәбәр Аҝентлијинин вердији хәбәрә әсасән, Һәсән Руһани бу ҝүн Тунисин сечилмиш президенти Гейс Сәидлә телефон сөһбәтиндә бу өлкәнин милли ҝүнүн ҝәлиб чатмасы вә онун Тунисин президенти сечилмәсини тәбрик едиб вә белә дейиб: Бу ҝүн инсанларын һәйатынын горунмасы вә бу хәстәликлә гаршылашма дүнйада коллектив тәдбирләр вә һәмкарлыглар тәләб едир.
Руһани билдириб ки, Америка һөкумәти бу хәстәлийин йайылдығы чәтин бир шәраитдә дә Иран халгына гаршы санксийалары вә залымҹасына һәрәкәтләрини шиддәтләндирибдир. О, сөйләйиб: Халгын еһтийаҹларынын тәмин едилмәси үзрә Иранын банк әлагәләринин, һуманитар йардымларын вә дәрманын ҝөндәрилмәсинин гаршысынын алынмасы БМТ ганунлары вә һуманитар гайдаларла зиддиййәт тәшкил едир.
Дүнйа өлкәләринин Американын бу бәшәриййәтә зидд һәрәкәтләрини писләмәли олдугларыны диггәтә чәкән Иран президенти дейиб: Тунис Тәһлүкәсизлик Шурасынын гейри-даими үзвү кими дүнйа иҹтимаиййәтинин инсанлыға зидд вә залымҹасына санксийалара гаршы мүгавимәти истигамәтиндә аддым атмаг вәзифәсинә маликдир.
............
340
24 mart 2020 - 07:13
Xəbər kodu: 1019985
Иран президенти коронавирусун бейнәлхалг бир мәсәләйә чеврилмәсинә тохунуб. Билдириб ки, коронавирус илә мүбаризә үчүн бүтүн дөвләтләр вә халглар бир-бириләринин кәнарында олмалыдырлар.
