Әһли Бејт (әлејһимус сәлам) Хәбәр Аҝентлији- АБНА-нын вердији мәлуматына ҝөрә, Гум Елми Һөвзәси Азәрбајҹанда баш верән анти-Шиә пропагандасы тәһҝлүкәси илә әлагәдар Бәјанат вермишдир.
Бәјанатын там мәтнини сајтымызын һөрмәтли зијарәтчиләринә тәгдим едирик:
Бағышлајан вә Меһрибан Аллаһын ады илә
"Гураны һиссәләрә бөләнләрә (бир гисмини дејиб галаныны демәјәнләрә) әзаб назил етдик." (Һиҹр, 90 вә 91)
"Китабын бир һиссәсинә иман ҝәтириб галаныны инкар едирсиниз? Бу иши ҝөрәнләри дүнјада рүсвајчылыг вә ахирәтдә исә шиддәтли әзаб ҝөзләјир." (Бәгәрә, 85)
Ислам тәһлүкәдәдир! Шиә тәһлүкәдәдир!
Ахыр заманларда дин ады алтында баш верән бир сыра просесләрин шаһиди олуруг. Бу баш верәнләр пәрдә архасында дүшмән әлләринин олмасыны ҝөстәрир. Тарихән ислам дүшмәнләри өз мәнфур планларыны һәјата кечирмәк үчүн, исламын өзүндән олан, лакин руһани олмаға сәлаһијјәти чатмајан амма заһирдә руһани кими ҝөрсәнән шәхсләрдән истифадә етмишләр. Буна бир нүмунә олараг Зөһри, Икрәмә вә Шүрејһ Гази кимиләрини ҝөстәрә биләрик. Неҹә дејәрләр тарих тәкрарланыр.
Азәрбајҹанда бир чох ајинләрин иҹрасында сүни манеәләрин јарадылмасына бахмајараг "шаирин" илаһи мәканда китаб тәгдиматы мәрасими раһат шәкилдә һәјата кечирилир. Һалбуки бу шәхс динин бир чох зәрурәтләрини инкар едир вә чәкинмәдән бунлары бәјан едир. Белә олан һалда шәриәтин һансы һөкмләринә әсасән дини тәһгир едән бир шәхсин тәгдимат мәрасими мүгәддәс мәканда кечирилир?! Амма бу кифајәт дејилмиш кими диҝәр аҹынаҹаглы бир һадисәнин шаһиди олуруг. Дырнагарасы јазычы мүсәлман аләминин мүгәддәс сајдыгларына, о ҹүмләдән Гуран маарифинә, шәһид вә шәһадәтә, һәҹҹә, һиҹаба вә мәхсусән дә дүнја мүсәлманларынын Али Лидери, Вәлијји Фәгиһ, бөјүк тәглид мәрҹәси олан Ајәтуллаһ әл үзма Хаменеи һәзрәтләринин уҹа мәгамына налајиг ифадәләр ишләтмишдир. Чох тәәссүфләндириҹи бир һалдыр ки, Азәрбајҹанда кимләрсә бу али дәјәрләрә олан тәһгирләрә бахмајараг бу "јазычы"нын китаб тәгдиматында мәмнунијјәтлә иштирак етмәклә бу вә бунун кимиләри иҹтимаиләшдирир. Ҝөрәсән бу бидәтләрин гојулмасында кимләрсә ҹавабдеһлик дашымырды?! Ҝөрәсән даһа һансы дәјәрләрин тәһгир олунмасына ҝөз јумулаҹаг?!
Әлбәттә тәкҹә ҝөз јуммагда галмајыб бидәтләрин рәваҹ тапмасындада билаваситә иштиракчыја чеврилирләр. Олмаја пәрдәархасы планлар онларын әлијлә иҹра олунур?!
Биз бир дин хадими олараг мәсәләләри мүәјјән шәхсләрә (лазым олан үнванлара) мүхтәлиф васитәләрлә чатдырдыгдан сонра һәмвәтәнләримизин бизә олан чохлу сајда мүраҹиәтләрини нәзәрә алараг бәјанат веририк.
Биз бир руһани олараг мәсулијјәт вә хәтәр һисс едәрәк әзиз мүсәлман халгымыза мүраҹиәт едирик.
Әзиз вә гејрәтли мүсәлман халгымыз! Үзүмүзү сизә тутараг төвсијә едирик ки, дини мејарлар әсасында таныјын, шәхсләрә ҝөрә јох. Һәзрәт Имам Әли (әлејһис-сәлам) бујурур: Һаггы таныјын әһлини дә таныјасыныз. Әҝәр мејарлара әсасланан динин ардынҹа ҝетмәсәк бу ајә бизим дә һалымыза шамил олар.
"Әҝәр (һәгиги диндән) үз чевирсәниз Аллаһ сизи башга (онун дининә әмәл едән) гөвмлә әвәз едәр, Даһа онлар сизин кими олмазлар." (Мәһәммәд, 38)
Неҹә ки, Зүбејр исламын әввәлләриндә етдији мүһүм хидмәтләринә бахмајараг сонда чәкдији о бөјүклүкдә зәһмәтләри һәдәр олду. Чүнки јаваш-јаваш исламын вә вилајәтин әксинә ишләр ҝөрәрәк онун гаршысында гәрар тутду. Јухарыдакы ајәјә әсасән, Аллаһ Зүбејр вә онун кимиләри Малик Әштәр, Һүҹр вә Мејсәми Тәммар кимиләри илә әвәз етди. Аллаһын бу үмуми сүннәти һәр замана вә мәкана аиддир. Неҹә дејәрләр тарих тәкрарланыр.
Әҝәр Азәрбајҹанда бир кәс әввәлләр динә хидмәт едибсә бу о демәк дејил ки, бу ишләр ҝәләҹәкдәки ислама зидд аддымларына һагг газандырсын.
Биз бу ишләри мәһкум едирик вә белә һалларын бир даһа тәкрарландығы тәгдирдә мүсәлман халгымыз тәрәфиндән онун гаршысынын алынмасына үмид бәсләјирик. Чүнки биз мүсәлман халг олараг тарихән дини вә милли әнәнәләрә сөјкәнмиш вә она садиг галмышыг. Белә олан тәгдирдә бу милләти дини вә әхлаги нормалара ујғун олмајан әмәлләрлә тәһгир етмәк олармы?! Бундан сонра инсанларымызын ајыг- сајыг олмасы зәрури вә лабүддүр.
Сонда буну да хатырлатмаг лазымдыр ки, зүһур астанасында гәрар тутмушуг вә фитнәләри ағыр олаҹаг. Әҝәр ҝетдикҹә ағырлашан фитнәләрдә ајыг- сајыг олмасаг зүһур баш верәндә имтаһанлардан чыха билмәрик.
Һидајәтә табе оланлара салам олсун.
Мүгәддәс Гум шәһәри
09.03.2020
003
Гум Елми Һөвзәсинин Рәсми Фејсбук Сәһифәси
Диггәт! Хәбәрдән Истифадә етдикдә мәнбәјә истинад лазымдыр.
