АБНА- Әһли Бејт (әлејһимус-сәлам) Хәбәр Аҝентлијинин вердији хәбәрә әсасән, Систан вә Бәлучестан вилайәтинин баш кәшфиййат идарәси бу ҝүн бир мәлуматда билдириб ки, Ҹейшулзулм гараҝүруһунун табелийиндә олан бир террор дәстәси Ирана дахил оларкән ашкар едилиб вә тәһлүкәсизлик гүввәләринин тәләсинә дүшүбдүр.
Бу мәлуматда сонра дейилир: Иранын тәһлүкәсизлик гүввәләри мүәййән мигдарда силаһ, сурсат вә бомбадүзәлтмә ләвазиматыны ашкар етмәкдән әлавә, бу террор дәстәсинин әмәлиййат групунун "Зубейр" ләгәбли Елйас Наруйи адлы башчысыны да мәһв едибләр.
Елйас Наруйи бир чох террор әмәлиййатларында, о сырадан Никшәһр-ә һүҹум вә Ислам Ингилабы Кешикчиләри Корпусу- Сепаһ-ын гүввәләриндән ики нәфәрин шәһид едилмәси, Заһиданда бир автобусун партладылмасы вә Сепаһ гүввәләриндән 27 нәфәрин шәһадәти, һәмчинин Заһидан полис идарәсинин гаршысында сәс бомбасынын йерләшдирилмәси әмәлиййатларында апарыҹы рола малик олмушду.
Елйас Наруйи Заһидан шәһәриндә Сепаһ дахил олмагла һәрби вә тәһлүкәсизлик һәдәфләрини ашкар едәрәк, террор әмәлиййаты гуруб, иҹра етмәк ниййәтиндә олубдур.
.............
340
9 mart 2020 - 09:59
Xəbər kodu: 1015773
Иранын ҹәнуб-шәргиндә йерләшән Систан вә Бәлучестан вилайәтинин баш кәшфиййат идарәси Ҹейшулзулм гараҝүруһунун табелийиндә олан бир террор дәстәсинин ашкар вә мәһв едилмәсиндән хәбәр вериб.
