АБНА- Әһли Бејт (әлејһимус-сәлам) Хәбәр Аҝентлијинин вердији хәбәрә әсасән, Ислам Ингилабынын Бөйүк Рәһбәри Һәзрәт Айәтуллаһулузма Хаменеи бу ҝүн сәһәр хариҹи фигһ дәрсинин әввәлиндә әҹнәби тәблиғат апаратларынын халгын сечкиләрдәки иштиракына гаршы ири һәҹмли вә мәнфи атмосфер йаратмаларына ишарә едибләр.
О һәзрәт белә гейд едибләр: Бу мәнфи тәблиғат бир нечә ай бундан өнҹә башланыб вә сечкиләрин йахынлашмасы илә артыбдыр вә сон ики ҝүндә дә бир хәстәлик вә вирус бәһанәсилә онларын медиалары халгы сечкиләрдә иштирак фикриндән дашындырмаг үчүн минимум фүрсәтә белә ҝөз йуммадылар.
Ислам Ингилабынын Бөйүк Рәһбәри Аллаһ-Таалайа шүкр едиб, гәрәзли тәблиғатлара рәғмән, халгын сечкиләрдәки ҝениш иштиракына ҝөрә, өз дәрин миннәтдарлыгларыны билдирәрәк, дейибләр ки, Аллаһ-Таала бу халгы галиб етмәйә ирадә едибдир.
О һәзрәт дүшмәнләрин Иран халгы илә дүшмәнчиликләринин халгын дини вә ингилаби инанҹлары, мәдәниййәт вә игтисадиййат мейданлары илә мәһдудлашмадығыны билдирәрәк, дейибләр: Онлар һәтта Иран халгынын сечкиләри илә дә мүхалифдирләр. Зира онлар халгын ингилабын хидмәтиндә вә дин адына сечкиләрдә иштиракы феноменинин бир ҝерчәклик кими тәсбит олунмасыны истәмирләр.
Һәзрәт Айәтуллаһулузма Хаменеи ислами гурулушда сечкиләрин кечирилмәсини дүшмәнләрин динин азадлыг вә демократийа илә мүхалиф олмасына даир иддиасыны позан амил адландырыб вә белә сөйләйибләр: Иран Ислам Республикасында сечкиләр ҝөстәрир ки, дин, һәртәрәфли бир демократийанын мүкәммәл бир символудур вә 41 ил әрзиндә 37 сечкинин кечирилмәси ислами гурулушун демократийайа бәнзәрсиз ҹидди-ҹәһдини ҝөстәрир.
Ислам Ингилабынын Бөйүк Рәһбәри һамыны дүшмәни танымаға вә онун гаршысында сайыг олмаға чағырараг, вурғулайыблар: Дүшмән ҹәбһәсиндән Иранын мүхтәлиф мәсәләләринә гаршы минләрлә нәфәрин фәалиййәти гаршысында Иран халгынын ҹәбһәсиндә милйонларла нәфәр, халг үчүн мүмкүн олан мүхтәлиф ишләр, тәблиғат мәсәләләриндә гаршылыглы һүҹум, зәрбә вә мүдафиәйә һазыр олмалыдыр.
.............
340
23 fevral 2020 - 10:02
Xəbər kodu: 1012498
Ислам Ингилабынын Бөйүк Рәһбәри Иран халгынын бөйүк сечкиләр имтаһанында гәнаәтбәхш шәкилдә парлмасына вә дүшмәнләрин һәртәрәфли тәблиғатлары вә фүрсәттәләбликләрини накам гоймасына ҝөрә тәшәккүр едибләр. Вурғулайыблар ки, дүшмәнин өлкәнин мүхтәлиф органларына зәрбә вурмаг үзрә фитнәси гаршысында һамы мүдафиә үчүн айыг вә һазыр олмалыдыр.
