АБНА- Әһли Бејт (әлејһимус-сәлам) Хәбәр Аҝентлијинин вердији хәбәрә әсасән, Ислам Ингилабынын Бөйүк Рәһбәри Һәзрәт Айәтуллаһулузма Хаменеи бу ҝүн сәһәр Иран халгынын мүхтәлиф тәбәгәләриндән олан минләрлә нәфәрлә ҝөрүшдә америкалы зоракылар вә дикбашларын “әсрин сөвдәләшмәси” планыны тәгдим етмәләринә ишарә едәрәк, дейибләр: Америкалылар өз үрәкләрини хош едибләр ки, бөйүк ад гоймагла Фәләстин халгына гаршы планлары уғур газанаҹаг. Һалбуки онларын бу һәрәкәти ахмагҹасына вә хәбисҹәсинә бир һәрәкәтдир вә елә мәсәләнин башландығы андан онларын зәрәринә гуртарыбдыр.
Ислам Ингилабынын Бөйүк Рәһбәри “әсрин сөвдәләшмәси” планыны америкалыларын һоггабазлыгларынын ашкар нишанәси адландырыб вә белә сөйләйибләр: Америкалылар сионистләрлә онлара мәхсус олмайан бир мәсәлә барәдә сөвдәләшибләр.
Һәзрәт Айәтуллаһулузма Хаменеи әлавә едибләр: Өз халглары арасында да дәйәрсиз вә абырсыз олан бир нечә хаин әрәб башчысынын рәғбәти вә әл чалмасынын әһәмиййәти йохдур вә залым гүввәләр апаратынын Фәләстин мәсәләсинин унудулмасына даир сабит сийасәтинин әксинә олараг, онларын бу иши Фәләстин мәсәләсинин ҹанланмасына сәбәб олду вә бүтүн дүнйада Фәләстинин ады вә мәзлумлуғу, һәмчинин фәләстинли мәҹмуәләр дилләр әзбәри олдулар.
О һәзрәт залым гүввәләрин силаһ вә пул ҝүҹүнә бу планы ирәлиләтмәйә чалышмаларына ишарә едәрәк, вурғулайыблар: Инанырыг ки, силаһлы фәләстинли тәшкилатлар дайанаҹаг вә мүгавимәти давам етдирәҹәкләр. Иран Ислам Республикасы гурулушу да өз вәзифәсини фәләстинли груплары һимайә етмәк билир. Буна ҝөрә, һәр ҹүр вә баҹардығы гәдәр онлары һимайә едәҹәк вә бу һимайә Иран Ислам Республикасы гурулушунун вә Иран халгынын истәйидир.
Ислам Ингилабынын Бөйүк Рәһбәри Фәләстин мәсәләсинин әсас әлаҹыны, Иран Ислам Республикасынын бейнәлхалг мәркәзләрдәки “елан вә гейд олунмуш принсипиал һәлл йолу”, йәни “Фәләстин әслли халгын нәзәринин өйрәнилмәси адландырыб вә белә дейибләр: Фәләстин мәсәләсинин һәлли вә сүлһ үчүн йеҝанә йол, мүсәлман, христиан вә йәһуди олмагла һәр диндән олан Фәләстин әслли халгын нәзәринин өйрәнилмәсидир ки, онларын үмуми рәйи илә нәзәрдә тутдуглары гурулуш бүтүн Фәләстин әразисинә һаким кәсилмиш олсун вә фәләстинлиләрин өзләри Фәләстин, һәмчинин Нетанйаһукимиләр вә башгалары барәдә гәрар чыхарсынлар.
Һәзрәт Айәтуллаһулузма Хаменеи сонда вурғулайыблар: Иншааллаһ, бу мәгсәд, һәйата кечәҹәк вә сиз ҝәнҹләр о ҝүнү ҝөрәҹәк вә Аллаһ-Тааланын лүтфкарлығы илә Бейтулмугәддәсдә намаз гылаҹагсыныз.
.............
340
