Әһли Бејт (әлејһимус сәлам) Хәбәр Аҝентлији АБНА-нын вердији мәлумата ҝөрә, Иран Ислам Республикасынын Хариҹи Ишләр Назирлијинин сөзчүсү АБШ ХИН-ин сөзчүсү Брајан Һук-ун Иран Ислам Ингилабы Кешикчиләри Корпусунун- Сепаһын Гүдс Гүввәләринин командири Сәрдар Исмаил Гаанини террор едәҹәкләри барәсиндәки тәһдид едиҹи чыхышына сәрт ҹаваб вериб.
ИИР ХИН спикери Сејјид Аббас Мусәви дејиб: "Хариҹи Ишләр Назирлијинин ачыгламасы Америка Бирләшмиш Штатларынын дөвләт сәвијјәсиндә һәдәфли шәкилдә террору һәјата кечиртмәси үзәриндән рәсми сүрәтдә бүтүн пәрдәләри кәнара чәкди. Вә өз террорчу һәдәфләрини ашкар етдиләр."
Сејјид Аббас Мусәви сөзләринә әлавә едәрәк дејиб: "Һазырда АБШ сионист режимдән сонра икинҹи режимдир ки, дөвләтин бүтүн имканатларындан вә силаһлы гүввәләрдән террор актларыны һәјата кечиртмәк үчүн истифадә етдијинә вә ҝәләҹәкдә дә едәҹәкләринә рәсми олараг етираф едир."
Иран Ислам Республикасынын Хариҹи Ишләр Назрлији АБШ режиминин террора үз тутмасыны бу режим рәсмиләринин зәифлик, аҹизлик вә депресијаја дүшдүкләринин нишанәси кими гијмәтләндириб. Сејјид Аббас Мусәви террорчу режимин белә бир ачыглама вермәсини сәрт тәнгид едәрәк дејиб: "Бејнәлхалг аләм буна сәрт реаксија вермәлидир. АБШ-ын дөвләт сәвијјәсиндә террору һәјата кечиртмәсинин әлејһинә чыхмалы вә мәһкум етмәлидирләр. Әкс тәгдирдә бу ҹинајәт тез ја ҝеҹ диҝәр дөвләтләрин башларына да ҝәләҹәкдир!"
Диггәт: Хәбәрдән истифадә етдикдә мәнбәјә истинад лазымдыр!
