Әһли Бејт (әлејһимус сәлам) Хәбәр Аҝентлији АБНА-нын вердији мәлумата ҝөрә, өтән ҝүн 20 Јанвар 2020-ҹи ил Ислам Ингилабы Кешикчиләри Корпусу- Сепаһын Гүдс Гүввәләринин јени тәјин едилмиш Командири Сәрдар Исмаил Гаани ҹәнабларынын инагурасија – андичмә мәрасими кечирилмишдир.
Сепаһын Баш Гәрәрҝаһ Команданлығында кечирилән андичмә мәрасимндә Иран Ислам Республикасынын Силаһлы Гүввәләринин командирләри вә али рүтбәли мәсул шәхсләри иштирак едибләр.
Ислам Ингилабы Кешикчиләри Корпусунун Гүдс Гүввәләринин Командири Сәрдар Гаани мәрасимдә чыхыш едәрәк дејиб: "Бу мәрасим әслиндә Вилајәтә вә халгына садиг олан, горхмаз командирин (шәһид Гасым Сүлејманинин) мәрасимидир. Биз бу мәрасимдә о мәләкути шәхссијјәтә малик олан, мүгавимәт һәракатынын нүмунәви үлҝүсү илә өз әһдимизи јениләмәлијик ки, гој онун ҝетдији давам етсин."
Бригада ҝенералы, мүһафизәчи Исмаил Гаани ҹәнаблары шәһид Гасым Сүлејманинин намәрдҹәсинә дүшмән тәрәфиндән террор едилмәсинә ишарә едәрәк дејиб: "Дүшмән намәрдҹәсинә али мәгамлы Сәрдарымызы, Гасым Сүлејманини шәһадәтә јетирди. Лакин Аллаһын лүтфү вә дүнјанын бүтүн јериндә олан, онун интигамыны алмаг һисси илә јашајан азадә инсанларын әзмкарлығы илә киши кими дүшмәнләрини вураҹағыг."
Сепаһын Гүдс Гүввәләринин командири бөјүк шејтанын (админ: Бу ад Имам Хомејни (р.ә) тәрәфиндән илк дәфә Америка Бирләшмиш Штатларына верилмишдир) хүсусијјәтләрини фитнә, јарамазлыг, дүшмәнчилик вә хәбислик олдуғуну билдирәрәк дејиб: "Бизим дүшмәнләримиз зор ҝүҹдән башга һеч бир шеји анламырлар. Буна ҝөрә дә онларын мүгабилиндә мүтләг мөһкәм дурмалыјыг. Әҝәр биз өз вәзифәмизә јахшы әмәл етсәк, бүтүн тәһдидләр бизим үчүн фүрсәтә чеврилә биләр."
Ҝенерал Гаани ҹәнаблары Шәһид Гасым Сүлејманини вәсф едәрәк дејиб: "Һаҹ Гасымин ҝөзәл әхлагы һаггында данышмагла гуртармаг олмаз. Амма онун Вилајәт мәгамына сөз-сөһбәтсиз бағлылығы, бу али мәгам ҝенералын ҝөрдүјү бүтүн ишләринин әсас вә көкүнү тәшкил едирди. О даим ихласла иш ҝөрүр, ихласла да аддымлајырды. Нәһајәт Ислам дининин јүксәлмәси уғрунда бир өмүр ҝөстәрдији сәј вә мүҹаһидликдән сонра өзүнүн чохданкы арзусуна, шәһадәт мәгамына наил олду."
Сепаһын Гүдс Гүввәләринин баш команданы Исмаил Гаани сонда дүшмәнә гәләбә чалмағын јеҝанә јолуну дирәниш вә мүгавимәт ҝөстәрмәкдә олдуғуна тәкид едәрәк дејиб: "Али Баш Команданлығын фәрманында гејд олундуғу кими Һаҹ Гасым Сүлејманинин ишыглы јолда игтидарла атдығы аддымлары там вар гүдрәтимизлә давам етдирәҹәјик."
Диггәт: Хәбәрдән истифадә етдикдә мәнбәјә истинад лазымдыр!
