Әһли Бејт (әлејһимус сәлам) Хәбәр Аҝентлији АБНА-нын вердији мәлумата ҝөрә, Америка Нүмајәндәләр Палатасынын Кәшфијјат Комитәсинин сәдри вә Калифорнија штаты үзрә демократларын нүмајәндәси Адам Шифф, ҸБҸ Нјус каналына вердији мүсаһибәсиндә ашкара дејиб: "Америка президенти вә онун дөвләтинин јүксәк вәзифәли шәхсләри, Ислам Ингилабы Кешикчиләри Корпусунун Гүдс Ганадынын командири Маршал Гасым Сүлејманијә гаршы һәјата кечиртдикләри террор һүҹумуна бәраәт газандырмагдан өтрү јаланлар ујдурурлар."
О, Доналд Трампын Факс Нјуса вердији сон мүсаһибәсинә ишарә едәрәк дејиб: "Президенти орада, Факс Нјус каналында ҝөрүдүкдә вә бу сөзләри онун ағзындан ешитдикдә, бүтүн бунлар онун ујдурма мәлуматларыдыр ки, сизләрә тәгдим едир."
Шифф даһа сонра дејиб: "Мүдафиә Назиринин дедикләринә гулаг асдыгда, о сизә һеч бир мәлумат өтүрмүр. Әксинә, фикримҹә о бир сыра јаланлары бир-биринә әлагәләндирәрәк сизләри гане етмәк үчүн данышыр."
"ХИН Пампеону өтән һәфтә сәрҝидә чыхыш едәркән ҝөрдүнүз. Иддиа едирди ки, "Кәшфијјат Тәшкилатынын вердикләри тәһлилләрә әсасән Сүлејманини арадан ҝөтүрмәк тәһлүкәсизлијимизи гүввәтләндирир, ону сағ бурахмаг исә бизим сабитлијимизи тәһлүкә алтына салыр". Бунун өзү дә јалан вә ујдурмадыр. Һансыса Кәшфијјат Тәшкилатынын вердикләри тәһлилләр дејилдир. Бу садәҹә Помпеонун шыхси нәзәри иди"-дејә Адам Шифф билдириб.
Хатырладаг ки, 3 јанвар 2010-ҹи илдә Трамп вә онун дөвләтинин јүксәк вәзифәли шәхсләри Ҝенерал Сүлејманијә гаршы террор әмәлијјатынын мәсулијјәтини өз үзәриләринә ҝөтүрдүләр. Онлар белә бир аддымы Ҝенерал Сүлејманинин мәнтәгәдә АБШ әмәкдашларына гаршы јахын заманларда баш верә биләҹәк тәһдидәрин гаршысыны алмаг үчүн етдикләрини дејибләр.
Трамп Факс Нјус каналына вердији мүсаһибәсиндә иддиа етмишдир ки, Гасым Сүлејмани Американын дөрд сәфирлијинә гаршы әмәлијјат һазырлајырмыш (!).
Америка Мүдафиә Назири Марк Еспер 13 јанвар 2020 тарихдә етдији чыхышында билдириб: "Доналд Трампын иддиаларынын әксинә олараг Иран, Американын һеч бир сәфирлијинә гаршы һансыса план һазырламамышдыр."
Диггәт: Хәбәрдән истифадә етдикдә мәнбәјә истинад лазымдыр!
