АБНА- Әһли Бејт (әлејһимус-сәлам) Хәбәр Аҝентлијинин вердији хәбәрә әсасән, Әли Шәмхани бу ҝүн Теһранда Сурийанын баш назири Имад Хәмислә ҝөрүшдә вурғулайыб ки, реҝион өлкәләринин вәһдәтилә бир заманда Американын Ирагдан шәр маһиййәтли чыхышы һәйата кечәҹәк. О, әлавә едиб: Иран Әйнуләсәд американ базасына ракетләр йағдырмаг вә Американын ҹинйәтинә дағыдыҹы ҹаваб вермәклә бир даһа сүбут етди ки, һеч бир шәраитдә өз милли тәһлүкәсизлийи вә марагларынын горунмасында сәһләнкарлыг етмәйәҹәк.
Шәмхани сөйләйиб: Америка президенти вә онун ахмаг мүшавирләри елә зәнн едирдиләр ки, Ислам Ингилабы Кешикчиләри Корпусунун Гүдс гүввәләринин команданы ҝенерал-лейтенант Гасем Солейманини террор етмәклә реҝионда мүгавимәт ҹәбһәсини дағылмаға дүчар едәҹәкләр. О, дейиб: Ҝенерал-лейтенант шәһид Солейманинин вә онун силаһдашларынын ганлары мүгавимәт ҹәбһәсинин даһа да ҝүҹләнмәсинә вә бирлийинә, һәмчинин реҝион вә дүнйа халгларынын нифрәтинә сәбәб олаҹаг.
Имад Хәмис дә Иранын терроризмлә савашда Сурийа халгыны һимайә етмәси вә бөйүк сәйинә ҝөрә, тәшәккүр едиб вә белә дейиб: Ҝенерал-лейтенант шәһид Солейманинин мәгсәди, Американын, сионист режимин вә һеҝемончулуг системинин тәҹавүзү вә зүлмү гаршысында мәзлум халглары мүдафиә иди.
............
340
14 yanvar 2020 - 10:47
Xəbər kodu: 1002288
Иран Али Милли Тәһлүкәсизлик Шурасынын катиби билдириб ки, Американын реҝиондан чыхмасы приоритетдә гәрар тапмалыдыр. О, дейиб: Американын террорчу гүввәләринин иштиракы илә Гәрби Асийа бөлҝәси һеч вахт сабитлийә, динҹлийә вә давамлы тәһлүкәсизлийә чатмайаҹаг.
