Бәјанатын мәтнини тәгдим едирик:
Гасим вә Ҹәббар Аллаһын Ады илә
Аллаһ јолунда өлдүрүләнләри, әсла өлүләр зәнн етмә! Әксинә, онлар диридирләр вә Рәбби дәрҝаһында онлара рузи верилир. (Али Имран сүрәси, 169)
Үмумдүнја Әһли-Бејт (ә) Ассамблејасы бу ҝүн (31 ијул) сүбһ радәләриндә, гәддар сионист дүшмән тәрәфиндән намәрдҹәсинә төрәдилмиш суи-гәсд нәтиҹәсиндә шәһид едилән Мүгавимәт Һәрәкатынын ҝөркәмли лидери, гардаш Әбул Әбд Исмајыл Әбдүс Сәлам Һәнијәнин шәһадәти мүнасибәтијлә тәслијјәт әрз едир.
Шәһид Исмајыл Һәнијә Бәдр, Һүнејн, Әһзаб шәһидләринә, Имам Һүсејн Һәрәкатынын зүлмлә мүбаризәдә вә Рәсулуллаһын (с) үммәтинин ислаһы истигамәтиндә чохсајлы шәһидләринә вә нәһајәт ҺӘМАС Ислами Мүгавимәт Һәрәкатынын тарихи шәһидләринә, о ҹүмләдән Шејх Әһмәд Јасин, Әл-Рентиси, Әл-Арури кими шәһидләрә, еләҹә дә Ислами Мүгавимәт Охунун шәһидләриндән олан Шәһид Фәтһи Әл-Сәгаки, Шәһид Имад Муғнијә, Әбу Меһди Әл-Мүһәндис кими шәһидләринә вә һабелә Фәләстин, Ливан, Ираг, Јәмән, Сурија вә Әфганыстандакы Ислами Мүгавимәтин шәһидләринә говушду.
Биз Үмумдүнја Әһли-Бејт (ә) Ассамблејасы үзвләри, тәблиғатчылары вә дә'вәтчиләри олараг, дүнјанын бүтүн мәсҹидләриндә, мәктәбләриндә, мүәссисә вә мәркәзләриндә бу бөјүк мүсибәт мүнасибәтијлә илк нөвбәдә Фәләстин Ислами Мүгавимәт Һәрәкаты үчүн фәдакарлыг едән вә Аллаһ јолунда ҹиһада галхан бу шәһид командирин аиләсинә, даһа сонра ҺӘМАС Һәрәкатына вә нәһајәт шәрәфли Фәләстин Халгына, хүсуси илә ишғалчыларын белини башы уҹалығы вә мәтанәти илә гыран Гәззә Халгына, һабелә Мүгавимәт Охунун групларына, Ислам Үммәтинә вә мүдрик рәһбәр Имам Хаменеи һәзрәтләринә, бүтүн дүнјанын азадлыгсевәр инсанларына, һагг вә әдаләт мүдафиәчиләринә башсағлығы веририк.
Һәмчинин Уҹа Аллаһдан шәһид командири, Һәнијә нәслиндән олан алтымыш нәҹиб шәһидләри вә Гәззәнин он минләрлә гәһрәман шәһидләринин бағышланмасыны вә онлара Илаһи әфвин шамил олмасыны диләјирик. Онларын Беһиштин ән уҹа мәгамында, Ә'ла-Иллијиндә, пејғәмбәрләрин вә Салеһ инсанларын јанында гәрар версин вә онларла бирҝә мәшһур етсин. Онларын аиләләринә, достларына, хүсуси илә ҺӘМАС Һәрәкатына вә дәјәрли Ислами Ҹиһад Һәрәкатына Ҹиһад вә Мүгавимәт јолунда бөјүк сәбр вә мүкафат нәсиб етсин.
Бу биринҹи ҹинајәт дејилдир вә сонунҹу да олмајаҹагдыр, дөјүш ин шә Аллаһ давам едир. Бүтүн милләт, Мүгавимәт вә Ислам Ингилабы Илаһи интигам вә һәдәфә чатмаг үчүн даһа чох уғур вә гәләбәләрин интизарындадыр. Мәнсәдимиз там гәләбә газаныб, Мүгәддәс Фәләстин торпағынын дәниздән чаја гәдәр олан әразисинин азад олунмасы, пајтахты Гүдс шәриф олмагла Фәләстин дөвләтинин гурулмасы вә мүсәлманларын илк гибләсиндә Намаз гылмагдыр. Елә бир дөвләт ки, сионист-Американ мүстәмләкәчилијинә, ишғалчылығына вә ҝүзәштли сазишә сон гојмаға, халгын иззәт вә ләјагәтини бәрпа етмәјә вә Ислам сивилизасијасына јол ачан дөвләт олсун, еләҹә дә Исламын вә мүсәлманларын иззәтли олдуғу, күфр вә нифагын исә зәлил олдуғу, интизары чәкилән Имам Мәһдинин (Аллаһ Тәала Онун зуһурун тезләшдирсин) шәрәфли Һөкумәтинин гурулмасына јол ачсын.
Румлулар мәғлуб олду, (Әрәб јарымадасына) ән јахын бир јердә. Онлар бу мәғлубијјәтдән сонра јахын бир вахтда галиб ҝәләҹәкләр. Өзү дә бир нечә ил әрзиндә Әввәл дә, сонра да әмр Аллаһындыр. О ҝүн мөминләр дә севинәҹәкләр, Аллаһын јардымы илә! О, истәдији кимсәјә јардым едәр. О, јенилмәз гүввәт саһибидир, мәрһәмәтлидир. Бу Аллаһын вәдидир. Аллаһ Өз вәдинә хилаф чыхмаз. Лакин инсанларын чоху буну билмир. (Рум сүрәси, Ајә 2-6)
Сонда Шәһидләрин вә Азад инсанларын рәһбәри, Аллаһ Рәсулунун нәвәси Имам Һүсејнин (ә) сөзләрини бир даһа тәкрар едирик: «Ја Рәббим! Сәнин һөкмүнә сәбр едирик, чүнки Сәндән башга Аллаһ јохдур. Сәндән башга Пәрвәрдиҝарым вә мәбудум јохдур. Сәнин һөкмүнә сәбр едәҹәјәм, еј фәрјад едәнләрин фәрјадыны Ешидән вә еј Әбәди Баги Олан!»
Биз Аллаһа мәхсусуг вә һамымыз она доғру гајыдырыг
Үмумдүнја Әһли-Бејт (ә) Ассамблејасы
25 Мәһәррәм әл-Һәрам 1446
Диггәт! Хәбәрдән истифадә едилдикдә мәнбәјә истинад етмәлисиниз.
