Әһли-Бејт
(әлејһимус сәлам) Хәбәр Аҝентлији – АБНА: Франсанын тәһсил назири бу јахынларда
мүсәлман тәләбәләрә Һиҹаб ҝејинмәји гадаған етмәк гәрарына ҝәлиб. Сөздә “азадлыг
вә демократија” рәмзи олан бу Авропа өлкәси Исламофобијанын узун тарихә малик олмасынын
сәбәби кими дүнјәвичилији вә секулјаризими ҝөстәрир. Франса анти-демократ режими әввәлләр дә Ислама аид бир нечә ҝејими гадаған етмишдир.
Франсанын ән јүксәк мәһкәмәси олараг һөкумәт рәсмиләрини мәһкәмәјә верән Дөвләт Шурасы кечән ҹүмә ахшамы елан едиб ки, бу гадағаја гаршы ҝөстәриш тәләби рәдд едилди.
Мәһкәмәнин һөкмүндән әввәл мүсәлманлары һөкумәт гаршысында тәмсил етмәк үчүн јарадылмыш Франса Мүсәлман Дини Шурасы хәбәрдарлыг едиб:
“Бу ҝејимләрин гадаған едилмәси ҹидди ајры-сечкилик риски јарада биләр.”
Бу гадаға мүсәлман гадынларын сәрт реаксијасына сәбәб олуб. Онлар дејирләр ки, бу гадаға, мүсәлман гадынларын ҹәмијјәтдән кәнарлашдырылыб тәҹрид олмасыны даһа да артырыр.
Диггәт: Хәбәрдән Истифадә Етдикдә Мәнбәјә Истинад Лазымдыр!