Ингилаб Рәһбәри бу бәјанатда Иран иҹтимаијјәтини террор актлары вә онун дүшүнҹәләри илә бағлы өһдәлијини јеринә јетирмәјә вә ајыг-сајыг олмаға чағырыб.
Бәјанатда дејилир:“Һәзрәт Әһмәд ибни Муса әлејһиссаламын һәрәминдәки хәбис ҹинајәт онларла ҝүнаһсыз киши, гадын вә ушағын шәһид олмасына сәбәб олуб вә үрәкләри парчалајыб. Бу нараһатедиҹи ҹинајәтин сәбәкар вә ја сәбәбкарлары һөкмән ҹәзаланаҹаглар. Әһли-бејтин (ә) һәрәминин еһтирамынын ајаг алтына атылмасы вә бу әзизләрин үрәк парчалајан аһынын бәдәли јалныз фаҹиәнин мәншәјинин арашдырылыб тапылмасы вә она гәтијјәтли ҹавабла өдәниләҹәк. Инди бизим һамымызын фитнә аловуну галдыран хаин, гафил вә ја ҹаһил шәхсләр гаршысында дурмаг үчүн өһдәлијимиз вар. Тәһлүкәсизлији горујан гурумлардан, Мәһкәмә Һакимијјәтиндән, мүтәфәккир вә дин адамларындан, халгын бүтүн фәрдләринә гәдәр, һамы бир әл кими, ҹамаатын ҹанына вә тәһлүкәсизлијинә, онларын мүдәгддәсләринә һөрмәтсизлик едәнләрин гаршысында дурсунлар. Әзиз халг вә мәсулијјәт дашыјан гурумлар дүшмәнләрин хәбис планларына һөкмән галиб ҝәләҹәкләр. Иншаллаһ”.
Һәзрәт Ајәтуллаһүл-үзма Хаменеи бу бәјанатын сонунда террор актында һәлак оланларын јахынларына башсағлығы вериб.
342/