Әһли-Бејт (әлејһимус сәлам) – Хәбәр Аҝентлији АБНА-нын вердији мәлумата әсасән, Үмумдүнја Әһли-Бејт (ә) Ассамблејасынын наширләринин иштиракы илә Һәзрәт Бәгијјәтуллаһ әл-Әзәмин (ә) мүбарәк мөвлуду илә ејни вахтда Әһли-бејт (ә) призмасындан Мәһдәвијјәт адлы аудио китабы Индонезија дилиндә һазырланмыш вә нәшр едилмишдир.
Сөзүҝедән әсәр Мәһдәвијјәт дүшүнҹәсинин Әһли-бејт (ә) нәзәринә ујғун тәһлил вә шәрһидир. Мүәллифин фикринҹә, диҝәр Ислам мәзһәбләринин тәгдим етдији мәһдәвијјәтлә мүгајисәдә Әһли-бејтин (ә) Мәһдәвијјәтлә бағлы ачыгламаларынын әсас фәрги вә көкләри имамәт әгидәсиндәки фикир ајрылығы илә бағлыдыр.
О, бу арашдырмасында әввәлҹә Әһли-бејт (ә) бахымындан Мәһдәвијјәт мәсәләсинә диггәт јетирир вә һәмин бахышы исбатламаға чалышыр, сонра Әһли-бејтин (ә) дүшүнҹәси үзәриндә онун нәтиҹәләрини арашдырыр вә даһа сонра мәһдәвијјәт мәфһумунун идеоложи дәјәриндән бәһс едир.
Гејд едәк ки, сөзүҝедән әсәр Ассамблејанын һөрмәтли тәрҹүмә бүросунун сифариши вә ҹәнаб Мәһәммәд Сираҹуддин тәрәфиндән Индонезија дилинә тәрҹүмә едилиб.
Мараглананлар гејд олунан аудиокитаб үчүн бу https://b2n.ir/MAHDIISME.indonesia кечид васитәсилә мүраҹиәт едә биләрләр.
Диггәт: Хәбәрдән Истифадә Етдикдә Мәнбәјә Истинад Лазымдыр!