АБНА- Әһли Бејт (әлејһимус-сәлам) Хәбәр Аҝентлијинин вердији хәбәрә әсасән, ҹәнаб Нәсруллаһ Иран Ислам Ингилабы Кешикчиләри Корпусу Сепаһын Гүдс Бригадасынын команданы Гасым Сүлейманинин вә Ирагдакы Халг Сәфәр Гүввәләри Һәшд-Шәбинин командан мүавини Әбу-Меһди Әл-Мүһәндисин шәһадәтинин аным мәрасиминдә етдийи чыхышында һәр ики команданын шәһидлик зирвәсинә йүксәлмәклә өз арзуларына чатдыгларыны вурғулайыб.
Орду ҝенералы Гасым Сүлеймани вә Әл-Мүһәндисин һәйатына гаршы суи-гәсдин Трампын ҝөстәриши әсасында йеринә йетирилмәсини ашкар ҹинайәт кими сәҹәййәләндирән Һизбуллаһ лидери дейиб: Мүгавимәтин Сурийа, Ливан, Фәләстин, Ираг вә Јәмәндә газандығы гәләбәләр, еләҹә дә АБШ-да президент сечкиләринин йахынлашмасы америкалылары ҝенерал Сүлейманини террор етмәйә һәвәсләндирди.
Онун сөзләринә ҝөрә, Бирләшмиш Штатларын Иран гаршысында мәғлубиййәти дә Американын террор актыны төрәтмәсиндә тәсирсиз олмамышдыр. "Трампын мәгсәди Иран Ислам Республикасы дөвләтини девирмәк, вә йа ән азы ону диз чөкдүрмәк вә мүхтәлиф мәсәләләр барәдә онунла разылыға ҝәлмәк иди. Лакин бу мәгсәдләрин һеч биринә наил олмады"-дейә Һизбуллаһ лидери әлавә едиб.
Мүгавимәти мәһдудлашдырмаг үчүн АБШ-ын бүтүн ҹәһдләринин фиаскойа уғрадығыны сөйләйән Нәсруллаһ гейд едиб ки, Трамп йахшы анлайыр ки, Иранла мүһарибә чох бөйүк бир авантүрадыр.
Һизбуллаһ лидери ону да вурғулайыб ки, Шәһид Гасым Сүлеманинин террор едилмәси Мүгавимәт мүһвәринин мәсәләсидир. Бәзән дейилир ки, Мүгавимәт Шәһид Сүлейманинин сәвиййәсиндә олан бирисиндән гисас алсын. Һалбуки бу шәһидлә бәрабәрлик едән бир шәхс йохдур. Конкрет олараг Трампын башы Гасым Сүлейманинин айаггабысы һәддиндә белә дейил. Бу сәбәбдән әдаләтли гисас АБШ-ын реҝиондакы мәшум мөвҹудиййәтинә сон гоймаг оларды.
...........
340
6 yanvar 2020 - 08:10
Xəbər kodu: 999868
Ливан Һизбуллаһынын баш катиби Сейид Һәсән Нәсруллаһ Бейрутун Заһийә мәнтәгәсиндә етдийи чыхышында бәйан едиб ки, 2020-ҹи ил йанварын 3-ү Сәрдар ҝенерал Гасым Сүлейманинин шәһадәти Јахын Шәрг реҝионунда йени тарихин башланғыҹы кими йадда галаҹагдыр.
