Руһани: "Ҝенерал Сүлеймани Иран халгы вә дүнйа азадлыгсевәрләринин тарихиндә әбәди олараг галаҹагдыр"

АБНА- Әһли Бејт (әлејһимус-сәлам) Хәбәр Аҝентлијинин вердији хәбәрә әсасән, Иран Ислам Республикасынын президенти Һәсән Руһани шәнбә ҝүнү йанварын 4-ү сәһәр саатларында Ислам Ингилабы Кешикчиләри Корпусу-Сепаһын Гүдс гүввәләринин команданы шәһид ҝенерал-лейтенант Гасим Сүлейманинин мәнзилиндә олараг, бу йүксәк рүтбәли шәһидин аилә үзвләрилә ҝүрүшүб вә  башыуҹа ҝенералын шәһид едилмәси мүнасибәтилә онлары тәбрик едиб вә башсағлығы вериб.

АБШ-ын Ислам Ингилабы Кешикчиләри Корпусу-Сепаһын Гүдс гүввәләринин команданынын шәһид едилмәсиндәки ҹинайәтинә тохунан Һ.Руһани америкалыларын бу ҹинайәт әмәлинин нәтиҹәләрини тәкҹә бу ҝүн дейил ҝәләҹәк илләр әрзиндә дә  ҝөрәҹәкләрини билдириб.

Иран Ислам Республикасы  президенти гейд едиб ки , бу ҝүн шүбһәсиз  Иран вә Ираг халгы АБШ-а даһа чох нифрәт едир вә ҝенерал-лейтенант Г.Сүлейманинин Иран вә реҝионун тәһлүкәсизлийинин тәмин едилмәсиндәки хидмәтләри хүсусилә Ираг, Сурийа, Јәмән, Ливан вә Әфганыстан халгы үчүн унудулмаздыр.

"Ҝенерал Сүлеймаинин ганынын интигамыны алмаг Иран халгынын гәти һаггыдыр",- дейән Руһани вурғулайыб: " Иран халгынын дүшмәнләри ҝенерал Сүлейманинин реҝионун тәһлүкәсизлийи вә стабиллийинин инкишафы истигамәтиндәки һәрәкәтләри вә планларындан чох әсәби идиләр вә бунун үчүн ону хәбисликлә вә мәзлүмҹасына шәһид етдиләр.

Иран президенти ҝенерал Сүлейманинин тәкҹә бир һәрби командан дейил ейни заманда бир сийасәтчи вә мүстәсна вә истедадлы стратег олдуғуну бәйан едәрәк, вурғулайыб ки, Иран ҝәнҹләри ҝенерал Сүлейманинин йолунун ардыҹыллары вә ашигләри дирләр вә бу өлкәдә минләрлә ҝенерал Сүлеймани йаранаҹагдыр.

Ислам Ингилабы Кешикчиләри Корпусу-Сепаһын Гүдс гүввәләринин команданы ҝенерал-лейтенант Гасим Сүлеймани ҹүмә ҝүнү сәһәр саатларында АБШ-ын тәҹавүзкар вә террорчу гүввәләринин Ирагын Бағдад һава лиманына авиазәрбәләри нәтиҹәсиндә шәһид олду.
.........
340