АБНА- Әһли Бејт (әлејһимус-сәлам) Хәбәр Аҝентлијинин вердији хәбәрә әсасән, Иранын енерҝетика назири Реза Әрдәканийан 34-ҹү бейнәлхалг електрик конфрансында Иранын електрик шәбәкәсинин Ирага гошулмасына ишарә едәрәк, дейиб: Гоншу өлкәләрлә әлагәләрин артырылмасы, онларын гуруҹулуғу вә инкишафында иштирак фүрсәтинин йаранмасындан әлавә, йени базарларын йаранмасына да зәмин йарадаҹагдыр.
О, санксийалара рәғмән, су вә електрик сәнайесинин инкишафы вә һәрәкәтинә ишарә едәрәк, әлавә едиб: Иранын су вә електрик саһәләри үзрә өлкә бойу 46 трилйон түмәнлик лайиһә ишләниб һазырланыбдыр ки, индийәдәк онун 4 трилйон 500 милйард түмәни һәйата кечирилибдир.
Иранын енерҝетика назири електрик сәнайесинин йол хәритәсинин конструксийасына тохунараг, әлавә едиб: Өлкәләрдә йүз фаизлик сабитлийин мөвҹуд олмадығы бир һалда, Иран Ирагла үчиллик бир електрик програмыны ишләйиб һазырлайараг, тәсдиг едибдир. Она әсасән, Ирагын електрик сәнайесинин бәрпа едилмәси иранлы мүтәхәссисләр тәрәфиндән һәйата кечириләҹәк.
Әрдәканийан бу програмын Әфганыстан, Азәрбайҹан Республикасы вә Ермәнистанда, еләҹә дә диҝәр өлкәләрдә ишләниб һазырланмасына ишарә едәрәк, дейиб: Бу програмлар енерҝетика назирлийинин интенсив нәзарәтилә ирәлиләмәкдәдир.
Әрдәканийан дейиб: Електрик истеһлакынын идарә олунмасында инкишаф етмәкдәйик.
О, әлавә едиб: Һәйата кечирилән идарәчиликлә, истеһлакын кулминасийа заманында Илләр бойу беш фаизлик инкишафдан сонра өтән ил инкишаф үч фаизә, бу ил исә бир фаизә енибдир.
..........
340
10 dekabr 2019 - 11:21
Xəbər kodu: 992812
Иранын енерҝетика назири өлкәнин електрик сәнайесинин гоншу өлкәләрлә һәмкарлыгларынын ҝенишләнмәсиндән хәбәр вериб.
