АБНА- Әһли Бејт (әлејһимус-сәлам) Хәбәр Аҝентлијинин вердији хәбәрә әсасән, Әрәб Лигасынын баш катиби Әһмәд Әбулгәйт бу лигайа үзв өлкәләрин хариҹи ишләр назирләри иҹласынын йекун бәйанатыны гираәт едәрәк, вурғулайыб ки, бу бирлик америкалыларын ишғал олунмуш әразиләрдәки сионист гәсәбәләр барәдәки сон мөвгейи илә гәтиййәтлә мүхалифәт едир.
Әбулгәйт билдириб ки, Фәләстин әразиләриндә сионист гәсәбәләрин салынмасы ганунсуздур.
Әрәб Лигасына үзв өлкәләрин хариҹи ишләр назирләринин Фәләстин барәдәки нөвбәдәнкәнар иҹласы Америка рәсмиләринин йени мөвгеләрилә бағлы тәшкил олунуб.
АБШ-ын дөвләт катиби Майк Помпео сон заманлар билдирмишди ки, бу өлкә даһа сионист гәсәбәләри бейнәлхалг ганунлара зидд билмир. Гейд едәк ки, Америка бундан өнҹә Фәләстин әразиләриндә сионист гәсәбәләрин салынмасыны бейнәлхалг ганунлара зидд билирди.
АБШ-ын сионист режимин Фәләстин әразиләриндә гәсәбәсалмаларыны һимайә етмәси фәләстинлиләрин вә бир чох дүнйа өлкәсинин етиразлары вә тәнгидләри илә үзләшибдир.
БМТ Тәһлүкәсизлик Шурасы 23 декабр 2016-ҹы ил тарихиндә 2334 сайлы гәтнамә гәбул едәрәк, сионист режимдән истәди ки, Фәләстин бөлҝәләриндәки бүтүн гәсәбәсалмаларыны дайандырсын.
..........
340
