АБНА- Әһли Бејт (әлејһимус-сәлам) Хәбәр Аҝентлијинин вердији хәбәрә әсасән, Чин хариҹи ишләр назири бу ҝүн билдириб: Һонг-Конг сечкиләринин нәтиҹәси һәр нә олурса-олсун, бу бөлҝә Чин һакимиййәтинин бир һиссәсидир вә һеч бир өлкәнин она мүдахилә һаггы йохдур.
Ван И әлавә едиб: Һонг-Конг Чинин айрылмаз бир һиссәсидир вә һәр ҹүр сепаратчы ҹәһд сындырылаҹагдыр.
Һонг-Конгун йерли медиалары билдирибләр ки, йерли сечкиләрин илкин нәтиҹәләринин елан олундуғу 241 даирәдән 201 йер мүхалифләрин намизәдләринә чатыб. Чинин тәрәфдары олан нүмайәндәләр тәкҹә 28 йер әлдә едибләр.
Сәсвермә шәраитинә малик олан әһалинин 71 фаизи, башга сөзлә, ики милйон 900 мин нәфәр сәс вериб. Бу рәгәм 2015-ҹи ил сечкиләриндә 47 фаиз иди.
Һонг-Конгун 7 милйон нәфәрлик әһалисиндән тәгрибән дөрд милйон нәфәр сечкиләрдә сәс вермәк үчүн гейдиййатдан кечмишди.
Һонг-Конгда реҝионал шуралар үзрә сечкиләр дүнән сәһәр башланыб вә Һонг-Конгда Карри Лам һөкумәтинә дәстәк истигамәтиндә мүһүм бир тәдбир сайылыр.
Һонг-Конгда реҝионал шуралар үзрә сечкиләр дөрд илдән бир кечирилир.
Бу сечкиләрин кечирилмәси елә бир һалдадыр ки, Һонг-Конг әһалисиндән минләрлә нәфәр өтән беш айдан чох бир мүддәтдә ҹинайәткарларын Һонг-Конгдан Чинә екстрадисийа едилмәләри үзрә галмагаллы лайиһәйә етираз олараг аксийаларын кечирилмәсинин шаһидидир.
Һонг-Конг 1842-ҹи илдән 1997-ҹи иләдәк Инҝилтәрәнин һөкмранлығы алтында олса да 1997-ҹи илдә Чинә гатылды.
.........
340
