АБНА- Әһли Бејт (әлејһимус-сәлам) Хәбәр Аҝентлијинин вердији хәбәрә әсасән, Боливийа президентинин ордунун тәзйиги алтында вә Американын табелийиндә олан мүхалифләрин ҝүнбәҝүн артан зоракылыгларына ҹаваб олараг истефа вермәсиндән сонра бир чох реҝион өлкәси, о ҹүмләдән Венесуела, Куба, Мексика вә Арҝентина бу һадисәләри чеврилиш адландырараг, писләдиләр. Колумбийа да Моралесин истефасына реаксийада Боливийа һадисәләринин арашдырылмасы үчүн Америка өлкәләри тәшкилатынын нөвбәдәнкәнар иҹласынын кечирилмәсини истәди.
Бу, Боливийада баш верән, бир халг һөкумәтинин деврилмәсинин йени формасы иди. Латын Америкасы өлкәләриндәки сон сечкиләр ҝөстәрди ки, халглар мәһз халг һөкумәтләринин тәрәфдарыдырлар вә бу, Америка үчүн бөйүк бир мәғлубиййәт иди.
Халгын сәсинә һөрмәт/ демократийа иддиасында олан бейнәлхалг органларын әсас вәзифәләриндәндир. Амма бу дәфә сечкиләрдә иштирак етмиш халгын һагг вә һүгугларына ҝөз йумулду.
Моралес бу сечкиләрдә өз рәгиби, Вашингтона йахын олан сийасәтчи Карлос Месаны мәғлуб едә билди. Мүхалифләр һөкумәти сахтакарлыгда иттиһам едәрәк, күчә етиразларына үз тутдулар.
Бу һадисәләрдән сонра Моралес базар ҝүнү елан етди ки, президент сечкиләринин йенидән кечирилмәсинә дәстәк верир. Бунунла белә, Американын истигамәтләндирмәси илә ҝөстәрилән тәзйигләр давам етди вә нәһайәт ордунун мүдахиләси илә вә зоракылыгдан чәкинмәк үчүн о, истефа вермәйә мәҹбур олду.
Сечкиләрдә сахтакарлыг мәсәләси бир бәһанә иди. Бундан габаг да Америка Венесуелада Мадурону йатырмаг истәди, амма мәғлуб олду.
Ағ Ев илә мүхалифәт лидерләри арасындакы тәмаслар барәдә ифша олунан сәнәдләрә әсасән, мәлум олубдур ки, Моралесә гаршы етиразлар Ағ Ев илә координасийа едимиш бир план олубдур.
2018-ҹи илдә Америка Боливийада демократийаны йаймаг бәһанәсилә тәгрибән бир милйон доллар вәсаит айырды.
.........
340
