АБНА- Әһли Бејт (әлејһимус-сәлам) Хәбәр Аҝентлијинин вердији хәбәрә әсасән, Әли Лариҹани дүнән ахшам Иранын Семнан вилайәтинин Дамған университетиндә кечирилән “Гүрбәтдәки мүбаризләр” адлы бейнәлхалг конфрансда дейиб: Бөлҝә вә мүгавимәт ҹәбһәси халгларынын мүгавимәти дүшмәнләрин рәфтарларына ҝөрәдир, зира мүгавимәт дүшмәнләрин фитнәсилә йеҝанә мүбаризә йолудур.
Лариҹани билдириб ки, бөлҝә халгларынын мүгавимәти дүшмәнләри бөлҝәйә гаршы фитнәкарлыға мәҹбур едир. О, дейиб: Дүшмән бу ҝүн мүгавимәт ҹәрәйанынын ҝүҹүнә инаныр вә мәһз һәмин мүгавимәтин мигдары гәдәр дә мүгавимәт ҹәбһәсинә фитнәләр иҹбар етдирир, лакин һеч вахт галиб ҝәлмәйәҹәкдир.
Иран Ислам Шурасы Мәҹлисинин сәдри әлавә едиб: Ислам өлкәләриндә мүгавимәт ҹәбһәсинин гүввәләри өз ҹиһад вә мүгавимәтләри илә гүрбәтдә дейилләр, әксинә бу ҹиһад Гәрби Асийада тәсирли вә авангард бир һәрәкәтдир.
4-ҹү “Гүрбәтдәки мүбаризләр” адлы бейнәлхалг конфранс дүнән Иран Ислам Шурасы Мәҹлисинин сәдри Әли Лариҹанинин иштиракы илә Дамған университетиндә ишә башлайыб.
Конфрансда 38 ислами өлкәдән 180-дән чох шәхсиййәт вә мүтәфәккир, Ниҝерийа Ислам Һәрәкатынын рәһбәри Шейх Ибраһим Зәкзаки вә Бәһрейн Ислам Һәрәкатынын рәһбәри Шейх Иса Гасимин аиләләри, һәмчинин Ислам Мүгавимәти Ҹәбһәсинин шәһид вә һәрби әлил аиләләриндән бир групу иштирак едир.
........
340
