АБНА- Әһли Бејт (әлејһимус-сәлам) Хәбәр Аҝентлијинин вердији хәбәрә әсасән, Һәзрәт Айәтуллаһулузма Хаменеи дүнән ахшам Пакистанын баш назири вә ону мүшайиәт һейәт илә ҝөрүшдә Иран-Пакистан мүнасибәтләрини сон дәрәҹә дәрин вә хәлги адландырыб вә ики өлкә әмәкдашлыгларынын ҝенишләндирилмәси үчүн бу зәминдән истифадәнин ваҹиблийини вурғулайыблар.
Ислам Ингилабынын Бөйүк Рәһбәри Иран вә Пакистан халгларынын олдугҹа йахын вә хәлги әлагәләриндән нүмунәләр садалайараг, билдирибләр ки, Иран Ислам Республикасынын Пакистана бахышы гоншулугда йерләшән бир гардаша олан бахышдыр.
Һәзрәт Айәтуллаһулузма Хаменеи әлавә едибләр: Бу тайы олмайан фүрсәтә рәғмән, ики өлкә мүнасибәтләри мөвҹуд дурумдан даһа сәмими вә даһа йахшы олмалыдыр. Сәрһәдләрин тәһлүкәсизлийи артмалы вә газ бору хәтти кими йарымчыг галмыш програмлар тәкмилләшдирилмәлидир.
Ислам Ингилабынын Бөйүк Рәһбәри Пакистанын сүлһ вә тәһлүкәсизлийин бәргәрары саһәсиндәки сәйләрини йүксәк дәйәрләндирәрәк, Гәрби Асийа бөлҝәсини сон дәрәҹә һәссас вә мүһүм бөлҝә адландырыблар. О һәзрәт һамынын һадисәнин баш вермәсиндән еһтийатланмаларыны вурғулайараг, бәзи бөлҝә өлкәләринин Ираг вә Сурийадакы террор дәстәләринә дәстәк вермәк, Јәмәндә мүһарибә салмаг вә ган ахытмаг үзрә тәхрибатчы ролларындан тәәссүф ифадә едибләр.
О һәзрәт әлавә едибләр: Бизим бу өлкәләрлә дүшмәнчилик үчүн бир мәгсәдимиз йохдур, амма онлар Американын ирадәси алтындадырлар вә Американын истәйи истигамәтиндә Иран Ислам Республикасына гаршы һәрәкәт едирләр.
Иран Ислам Республикасынын һеч бир савашын башлайыҹысы олмадығыны нәзәрә чарпдыран Ислам Ингилабынын Бөйүк Рәһбәри вурғулайыблар: Әлбәттә, әҝәр бир кәс Иран гаршысында саваша башлайарса, шүбһәсиз, пешман олаҹагдыр.
Имран хан да бу ҝөрүшдә Иран вә Пакистаны ики гардаш өлкә адландырыб вә белә дейиб: Теһран-Исламабад һәмкарлыглары ҝенишләнмәлидир вә биз мүнасибәтләр үчүн Ирана хүсуси йер айырмышыг, зира Ираны, хүсусән тиҹарәт саһәсиндә мүһүм бир шәрик һесаб едирик.
..........
340
.........
340
