АБНА- Әһли Бејт (әлејһимус-сәлам) Хәбәр Аҝентлијинин вердији хәбәрә әсасән, Түркийә президенти Рәҹәб Таййыб Әрдоған дүнән Сурийа күрдләрилә мүбаризә бәһанәсилә бу өлкәнин шималында һәрби әмәлиййатын башланмасындан хәбәр верди.
Түркийәнин витсе-президенти Фуад Октай да сөздә “сүлһ булағы” адлы әмәлиййатын рәсмән башланмасындан сонра дейиб: Түркийәнин әмәлиййатында мәгсәд, сүлһү Сурийайа гайтармагдыр. Анкара бундан өнҹә бу һәрби аддымда мәгсәди, сурийалы дидәрҝинләрин өз өлкәләринә ҝери дөнмәләри үчүн “тәһлүкәсиз бөлҝә” йаратмаг адландырмышды.
Түркийәнин илк һәрби ҝүлләләринин Сурийайа тәрәф ачылмасы илә бир вахтда бу һәрәкәтә гаршы ҝениш етираз далғасы мейдана ҝәлди. Мүхтәлиф өлкәләрин сийаси рәсмиләри бу бөлҝәдә реал һәлл йолу тапмаг үчүн фәалиййәтә башлайыблар. Түркийәнин Сурийанын шималындакы һәрби әмәлиййаты бейнәлхалг аренада ҝениш сәвиййәдә писләнибдир.
Сурийа рәсмиләри вурғулайыблар ки, сурийалылар өз суверенликләри вә әрази бүтөвлүкләрини горуйаҹаглар.
Сурийа демократик гүввәләри, йәни Сурийа күрдләри дә билдирибләр ки, Түркийәнин һүҹумуну һәртәрәфли бир мүһарибәйә чевирәҹәкләр.
Сурийанын шимал-шәргиндәки бөлҝәләрин көчәри тайфалары вә шәһәрләрин сакинләри Түркийәнин Сурийайа һүҹумуна етираз олараг, аксийа кечирибләр.
АБШ-ын дөвләт катиби дә бу ҝүн сәһәр тездән иддиа едибдир ки, бу өлкә Сурийайа һүҹум үчүн Түркийә һөкумәтинә йашыл ишыг ҝөстәрмәйибдир.
Лакин АБШ гүввәләринин Сурийа-Түркийә сәрһәди йахынлығындакы бөлҝәләрдән ҝери чәкилмәләри бу бөлҝәләрдә йарымһәрбчиләрә гаршы әмәлиййат кечирмәк үчүн Вашингтонун Анкарайа йашыл ишығы кими шәрһ едилибдир.
Америка президенти Доналд Трамп өз твиттер сәһифәсиндә йайдығы месажда Сурийа олайларына тохунараг, йазыб: Мүхтәлиф груплар арасындакы саваш йүз илләр бойу давам едибдир. Америка Јахын Шәргә ҝирмәмәли иди.
Сурийа күрдләри Американын һәрәкәтини бир нөв хәйанәт һесаб едибләр.
........
340
