(ABNA24.com) Иранын мәһкәмә һакимиййәтинин сәдри Сеййед Ебраһим Рәиси Теһранда террор шәһидләринин аиләләри вә мүһарибә әлилләриндән бир групу илә ҝөрүшдә дейиб: Бу ҝүн терроризмлә мүбаризә вә инсанларын һүгугларыны мүдафиә иддиасында олан бәзи Гәрб өлкәләри һазырда террорчуларын базасына чеврилибләр.
Рәиси әлавә едиб: Айдынлашмалыдыр ки, али-сәуд режими неҹә өз пуллары илә бөлҝәдә террорчулара дәстәк верир.
Иранын мәһкәмә һакимиййәтинин сәдри билдириб ки, инсан һагларыны мүдафиә иддиасында олан бир чох тәшкилатлар үчүн инсанларын һәйатынын мүтләг шәкилдә дәйәри йохдур. О, вурғулайыб: Иранда террор шәһидләри Иран Ислам Республикасы гурулушунун мәзлумлуғу, еләҹә дә гүдрәт нишанәләридирләр.
Рәиси һәмчинин дейиб: Терроризмлә мүбаризә саһәсиндә дүнйада икили стандартлар мөвҹуддур. О, әлавә едиб: Бәзи инсан һаглары иддиачыларынын бир чох бейнәлхалг һүгуг тәшкилатларында иштирак етмәләринә ҝөрә, террорчуларын чағырылмалары вә мүһакимә олунмалары имканы мөвҹуд дейилдир, амма террорчуларын ҹинайәтләри һагда мүкәммәл сәнәдләр топланыб гайдайа салынмалыдыр.
Иран Ислам Ингилабынын 1979-ҹу илдә зәфәр чалмасындан сонра Иран Ислам Республикасынын мәсул шәхсләри вә вәтәндашларындан 17 мин нәфәрдән чох инсан мүнафигләр гараҝүруһу вә диҝәр террор груплары тәрәфиндән террор едилди.
.....
340
