(ABNA24.com) Һәмас-ын сөзчүсү Фузи Бәрһум бу ҝүн вурғулайыб ки, дүнән ҝеҹә Гәззә золағында ики йохлама-бурахылыш мәнтәгәсинә һүҹумун вә үч фәләстинлинин шәһид олмасынын амилләри сионист режим муздурлары олублар. О, дейиб: Тәһлүкәсизлик органлары, о ҹүмләдән дахили ишләр назирлийи әсла дүшмәнә Гәззә золағында тәһлүкәсизлийи позмаг иҹазәси вермәйәҹәкләр.
Фәләстин дахили ишләр назирлийи бир бәйанат йайараг билдириб ки, Гәззә золағынын гәрбиндә йохлама-бурахылыш мәнтәгәләринә гаршы ики айры-айры һүҹумда 3 фәләстинли шәһид олуб, үч нәфәр дә йараланыбдыр.
Һәмас-ын сийаси бүросунун сәдри Исмаил Һәнйә дә вурғулайыб ки, дүнәнки партлайышлар Гәззәнин тәһлүкәсизлийинә бир тәсир ҝөстәрмәйәҹәк вә дүшмәнләр саваш вә мүһасирә илә әлдә едә билмәдикләри һәдәф вә фитнәләрә бир нечә партлайышла наил олмайаҹаглар.
Фәләстин Ислам Ҹиһады Һәрәкаты да бир бәйанат йайараг дүнән ҝеҹә Гәззә золағында баш вермиш партлайышлары писләйиб вә ону Фәләстин халгына гаршы ҹинайәткар бир аддым адландырыбдыр.
......
340
