(ABNA24.com) Иран Ислам Республикасы Силаһлы Гүввәләринин Баш Гәрарҝаһ рәиси ҝенерал-майор пасдар Моһәммәд Багери бу ҝүн Теһранда әлавә едиб: Бу ҝүн Иран халгы мүдафиә вә тәһлүкәсизлик истигамәтләриндә башыуҹа вә мөһкәм шәкилдә өз амаллары йолунда һәрәкәт едир вә савашын баш вермәсинә иҹазә вермәйәҹәк.
Ҝенерал Багери вурғулайыб ки, Ирагын бәәс режиминин Иранла сәккизиллик мүһарибәсиндә Иран Ислам Республикасы дүнйа империализминә галиб ҝәлди. О, дейиб: Иран мүгәддәс мүдафиә дөврүндән сонра да бир чох проблемләрә рәғмән, Әннусрә вә ИШИД террорчуларына галиб ҝәлә билди.
Иран Ислам Республикасы Силаһлы Гүввәләринин Баш Гәрарҝаһ рәиси һәмчинин сионист режимин Ливан Һизбуллаһына гаршы 33 ҝүнлүк савашына ишарә едәрәк, дейиб: Ливан Һизбуллаһынын сионист режимлә савашда галиб ҝәлмәси Иранын Мүгәддәс Мүдафиә тәҹрүбәләринин өтүрүлдүйүнү ҝөстәрир.
Ҝенерал-майор Багери сәуд коалисийасынын Јәмән халгына гаршы һүҹумларына да ишарә едиб вә билдириб ки, әрәбистанын бу өлкәйә һүҹумунун илк ҝүнләриндә өзүнү мүдафиә үчүн бир силаһы олмайан Јәмән халгы Иран Ислам Ингилабындан нүмунә ҝөтүрәрәк, һазырда ракет вә зенит ракет системи истеһсал едир.
.....
340
