(ABNA24.com) Һәсән Руһани бу ҝүн назирләр кабинети үзвләринин Ислам Ингилабынын бөйүк баниси Имам Хомейни(р.ә)-ин амаллары илә әһд-пейманларынын тәзәләнмәси мәрасиминдә Имам(р.ә), шәһидләр Моһәммәд Әли Рәҹайи вә Моһәммәд Ҹәвад Баһонәрин хатирәләрини йад едиб.
О, дөвләт һәфтәси мүнасибәтилә әлавә едиб: Ислам Ингилабынын гәләбәсиндән 40 илдән чох бир вахт кечир вә Иран Ислам Республикасы гурулушу мүгавимәтлә һәссас Јахын Шәрг бөлҝәсиндә гүдрәтли Ираны нүмайиш етдирибдир.
Руһани вурғулайыб ки, Иранын халгы вә бүтүн мәсул шәхсләринин бирлийи, сәйи вә мүгавимәти йенә дә дүшмәни мәйус едәҹәкдир.
О, дейиб: Дүшмәнләрин фитнәләри онларын ислами гурулуша зәрбә вурмагдан мәйус олаҹаглары ҝүн баша чатаҹаг. Беләликлә, Иранын бөйүк һәдәфи, дүшмәнләри мәйус етмәкдир.
Иран Ислам Республикасынын президенти билдириб ки, Теһран дүнйа илә мүнасиб әлагәләр гурмаг үчүн әлиндән ҝәләни едир. О, сөйләйиб: Американын сәриштәсиз, нашы һөкумәти Иран халгы, реҝион халглары вә һәтта өз халгы үчүн бир чох чәтинлийин йаранмасына баис олубдур.
Иран президенти Моһәммәд Әли Рәҹайи вә баш назири Моһәммәд Ҹәвад Баһонәр 1981-ҹи илдә мүнафигләр террор гараҝүруһунун үнсүрләри тәрәфиндән баш назирлик офисиндә төрәдилмиш террор партлайышында шәһид олдулар.
Бу шәһидләрин хатирәсини анмаг үчүн августун 24-дән 30-дәк олан мүддәт "дөвләт һәфтәси" адландырылыбдыр.
......
340
25 avqust 2019 - 08:24
Xəbər kodu: 971386
Иран Ислам Республикасынын президенти дүшмәнләрин Ислам Ингилабына зәрбә вурмаг үзрә фитнәләринә ишарә едиб. Вурғулайыб ки, Иран халгы әҹнәбиләрин гаршысында мөһкәм дайаныбдыр.
