(ABNA24.com) Иран Хариҹи Ишләр Назирлийинин сөзчүсү Сеййед Әббас Мусәви бу ҝүн дахили вә хариҹи журналистләрлә мәтбуат конфрансында билдириб ки, Иранын нүвә анлашмасындакы өһдәликләринин азалдылмасынын үчүнҹү аддымы ишләниб һазырланмагдадыр. О, әлавә едиб: Иранын икинҹи аддымда Авропайа вердийи 60 ҝүнлүк фүрсәтин битмәсинә аз бир вахт галыр вә бу мөһләтин сонунда Иран Ислам Республикасы үчүнҹү аддымы атаҹагдыр.
Мусәви һәмчинин Иран танкеринин азад едилмәсинин, ганун позунтусуна ҝөрә, Иран тәрәфиндән мүсадирә олунмуш Инҝилтәрә танкеринин талейи илә әлагәсинин олмадығыны вурғулайыб. Гейд едиб ки, ганунпозан инҝилис танкерин азадлығы үчүн Иранын мәһкәмә органларынын һөкмүнү ҝөзләмәк лазымдыр.
Иран Хариҹи Ишләр Назирлийинин сөзчүсү Јәмән бөһраны барәдә Теһранда Иран, Јәмәнин Әнсаруллаһ һейәти вә дөрд Авропа өлкәсинин һейәтләри арасында үчтәрәфли иҹласын кечирилмәсинә тохунараг, дейиб: Теһранда йахшы, ачыг, сәмәрәли вә файдалы данышыглар апарылды. Үмид едирик ки, Јәмәнә тәҹавүз етмиш тәрәф дә сийаси һәлл йолуна инанаҹагдыр.
Мусәви һабелә Бәһрейн олайлары һагда вурғулайыб: Иран Бәһрейнин дахили ишләринә мүдахилә етмәк истәмәдән даима бу өлкәнин фикриндәдир вә үмид едир ки, атылмаға башланмыш аддымлар Бәһрейн һөкумәтинин һимайәсилә үзләшәҹәкдир.
Иранын дипломатийа идарәсинин сөзчүсү Әфганыстан сүлһ мүзакирәләринә дә ишарә едиб: Иран һәмишә бөлҝәдә сүлһ вә сабитлийин бәргәрарыны һимайә едир вә бу гәнаәтдәдир ки, бүтүн бу данышыглар Әфганыстанын мәркәзи вә гануни һөкумәтинин иштиракы илә мүмкүн олан бир чәрчивәдә кечириләҹәк.
Мусәви һәмчинин Рөйтерс-ин Әфганыстан мәсәләси илә бағлы Иран илә Америка арасында месаж мүбадиләсинә даир хәбәр барәдә белә дейиб: Иран Әфганыстан барәдә Америка илә данышмаг ниййәтиндә дейил.
Иран Хариҹи Ишләр Назирлийинин мәтбуат катиби дейиб: Реҝионданкәнар үчүнҹү һөкумәтләр бөлҝәдә асайиш ардынҹа дейилләр.
........
340
