(ABNA24.com) Теһран иҹласында иштирак едән һейәтләр аид олдуглары һөкумәтләрин Јәмән олайлары, о ҹүмләдән сийаси вә мейдан мөвзулары вә Јәмәндә инсан вәзиййәти барәдәки бахышларыны шәрһ формасында бәйан едәрәк, он минләрлә йәмәнлинин өлмәси, йараланмасы вә бу өлкә инфраструктурларынын дағылмасы илә нәтиҹәнәлән Јәмәнин бөһранлы дурумунун давам етмәсиндән дәрин тәәссүф ифадә едибләр.
Үчтәрәфли Теһран иҹласынын сонунда иштиракчы һейәтләр савашын тез бир заманда дайандырылмасы вә Јәмән бөһранынын һәлли үчүн сийаси йолун тәгдим олунмасы ваҹиблийини вурғулайыблар. Онлар бу өлкәйә һуманитар йардымларын ҝөндәрилмәсинин сүрәтләндирилмәсини истәйибләр.
Һәмчинин иштиракчы һейәтләр Стокһолм разылашмаларынын там шәкилдә иҹрасы ваҹиблийини вурғулайыблар. Онлар бүтүн тоггушан тәрәфләрин өһдәликләри там шәкилдә йеринә йетирмәләрини вурғулайыб вә ону Јәмән бөһранынын йекун сийаси һәлли үчүн бир мүгәддимә адландырыблар.
Јәмәнин Әнсаруллаһ һәрәкатынын сөзчүсү Муһәммәд Әбдуссәламын сәдрлийи алтында олан бу һәрәкатын нүмайәндә һейәти Иран Ислам Республикасы рәсмиләрилә данышыглар апармаг үчүн Теһрандадыр.
.....
340
