(ABNA24.com) Серҝей Лавров Москва әтрафындакы Солничногорск районунда кечирилән бу конфрансда әлавә едиб: Америка гыса вә орта мәнзилли ракетләрин мәһв едилмәси мүгавиләсини ләғв етдикдән сонра бу нөв ракетләри Асийа вә Сакит Океан бөлҝәләриндә, еләҹә дә космосда силаһлар йерләшдирмәк үзрә планларыны елан едибдир.
О, сөйләйиб: Бүтөвлүкдә там мәсулииййәтлә демәк олар ки, Америка силаһлара нәзарәт үзрә, еләҹә дә стратежи-бейнәлхалг стабиллийи тәмин едән бүтүн системләри мәһв етмәк ниййәтиндәдир.
Лавров белә гейд едиб: Америка билир ки, Чин гыса вә орта мәнзилли нүвә ракетләрини гадаған едән пакта гошулмайаҹаг.
Русийанын хариҹи ишләр назири сонра дейиб: Америка рәсмиләри, етибары 2021-ҹи илдә битәҹәк Старт-2 мүаһидәси барәдә дә дейирләр ки, бу пакт көһнәлибдир.
Гыса вә орта мәнзилли ракетләрин мәһв едилмәси мүгавиләси 1987-ҹи илдә Вашингтон илә Москва арасында имзаланды. ССРИ-нин сонунҹу лидери Михаил Горбачов вә АБШ-ын озаманкы президенти Роналд Рейган һәмин мүгавиләни дүнйаны Шәрг вә Гәрб дүшәрҝәсинә айырмыш сойуг мүһарибә дөврүндә имзаладылар вә тәрәфләр үзәрләринә өһдәлик ҝөтүрдүләр ки, 500 километрдән 1000 километрәдәк мәнзили олан гыса мәнзилли вә 1000 километрдән 5500 километрәдәк мәнзили олан орта мәнзилли нүвә ракетләринин мәһв едилмәси истигамәтиндә аддым атаҹаглар вә ҝәләҹәкдә дә бу ракетләрин истеһсалы, сынағы вә ҝенишләндирилмәси саһәсиндә һәрәкәт етмәйәҹәкләр.
АБШ вә НАТО Москваны иттиһам едирләр ки, бу ракетләрин истеһсалы, сынағы вә ҝенишләндирилмәси саһәсиндә аддымлар атараг, әслиндә гейд олунан мүгавиләни позубдур. Бу иттиһам һәмишә Москва тәрәфиндән рәдд олунубдур.
......
340
