(ABNA24.com) Бу ҝүн бүтүн дүнйанын башы Американын Иран Ислам Республикасына гаршы тәтбиг етдийи тәҹавүзкар сийасәтә гарышыб. Иран нә едиб ки, бу гәдәр тәҹавүз, тәзйиг вә санксийалара мәруз галмалыдыр?
"алманар" информасийа порталына истинадла вердийи хәбәрә ҝөрә, Шейх Нәим Гасим – Ливан Ислами Мүгавимәт Һәрәкатынын (ҺИЗБУЛЛАҺ) баш катибинин мүавини, дүнән, һәфтәнин базар ҝүнү, 14 Ийул 2019-ҹу ил, Бейрутун 57 км-лийиндә йерләшән Нибтиййә әйаләтинин Һовмәйин-Тәһта шәһәриндә хатирә байрамы мүнасибәти илә кечирилән бир ҝөрүшдә деди: Америка сенасынын нүмайәндәләри бу ҝүн бизим әлейһимизә йени санксийалар тәтбиг етмәклә бизимлә сөзүн һәгиги мәнасында дүшмәндирләр вә һәмчинин бунунла сийаси дүшмәнчилик дә едирләр.
О вурғулады: Американын Ливан әлейһинә тәтбиг етдийи санксийалар вә тәзйигләр милләтин ирадәсини ҝүҹләндирир.
Ливан Ислами Мүгавимәт Һәрәкатынын (ҺИЗБУЛЛАҺ) баш катибинин мүавини әлавә етди: Әҝәр онлар бизим мәҹлис нүмайәндәләримизи, мәсулларымызы, һансыса партийамызы вә йа һәр һансы бир шейимизи сийаси вә игтисади санксийалар сийаһысына салырларса, бу иш бизим ирадәмизи даһа да ҝүҹләндирир, һиммәтимизи чохалдыр, әзмимизи мөһкәмләндирир вә бизә өйрәдир ки, бу ашкар мүһарибә вә дүшмәнчиликдә онлара гаршы неҹә мүгавимәт едәк вә гәләбә газанаг.
Шейх Нәим Гасим чыхышынын давамында деди: Бу ҝүн бүтүн дүнйанын башы Американын Иран Ислам Республикасына гаршы тәтбиг етдийи тәҹавүзкар сийасәтә гарышыб. Иран нә едиб ки, бу гәдәр тәҹавүз, тәзйиг вә санксийалара мәруз галмалыдыр? Иран сүбут едиб ки, реҝионда мүгавимәт ҝүҹләринә рәһбәрлик етмәйә лайигдир вә бу йөндә чох мүһүм наилиййәтләр әлдә етмишдир. Буна ҝөрә мүгавимәт ҝүҹләри дә реҝионда инкишаф едә билмишдир.
........
340
