(ABNA24.com) Иран Ислам Республикасы президенти Һәсән Руһани бу ҝүн Иранын шимал-шәргиндә йерләшән Шимали Хорасан вилайәтинин Ширван мәнтәгәси әһалисинин әзәмәтли топлусу гаршысында әлавә едиб: Америка он дөрд айдыр ки, Иран халгына гаршы ән сәрт санксийалар тәтбиг едиб, амма Ислами Иранын гәһрәман, сайыг вә мүгавимәтли халгы бу мүддәт әрзиндә гүдрәтлә онларын гаршысында дайаныбдыр.
Руһани әлавә едиб: Америкалылар реҝион өлкәләриндә, о ҹүмләдән Әфганыстан, Ираг, Сурийа вә Јәмәндә мәғлуб олублар вә әҝәр бир кәс иддиа етсә ки, Иран халгы ҝөстәрилмиш тәзйигләр нәтиҹәсиндә зәифләйибдир, йерсиз, гейри-дүзҝүн вә йалан сөздүр.
Иран Ислам Республикасы президенти сөйләйиб: Американын БМТ-дә, мүхтәлиф топлантыларда вә Атом Енержиси үзрә Бейнәлхалг Аҝентликдәки анти-Иран һәрәкәтләри уғурсуз галыб вә Атом Енержиси үзрә Бейнәлхалг Аҝентлийин идарә һейәтинин иҹласында да дүнйанын әксәр өлкәләри Иран халгына дәстәк вердиләр.
Руһани дейиб: Америка бейнәлхалг мәһкәмәдә вә Иранын шикайәтиндән сонра да мәһкум едилди вә дүнйанын үмуми фикри бу өлкәнин һәрәкәтләрини писләди.
Иранын иҹра һакимиййәтинин башчысы вурғулайыб: Иран Ислам Республикасы Американын тәзйигләринә рәғмән, әҹнәбиләрә вә бейнәлхалг фондлара еһтийаҹ әли узатмады вә өз айаглары үстүндә дайанды вә өтәнилки борҹларынын бир һиссәсини дә өдәйә билди.
.......
340
