(ABNA24.com) Иран Ислам Республикасы президенти дүнән ҝеҹә айры-айры мүраҹиәтләрдә ислами өлкәләрин башчыларыны фитир байрамы мүнасибәтилә тәбрик едиб.
Һәсән Руһани бу мүраҹиәтләрдә ойаг фитрәтләр байрамы олан сәадәтли фитир байрамыны тәбрик едәрәк, үмидварлыг едибдир ки, бу бөйүк байрамдан әлдә олунмуш мәнавиййат һесабына Ислам Үммәтинин ҝүнү-ҝүндән артан һәмрәйлийи вә йекдиллийи, күдурәт вә тәфригәнин көкүнүн кәсилмәси, залымларын зүлм әлләринин кәсилмәси, бүтүн дүнйада сүлһ вә сабитлийин бәргәрары вә давамынын шаһиди олаҹағыг.
Иран Ислам Республикасы президенти һәмчинин Иран халгы хүсусиййәт тәшкил етмәклә бүтүн дүнйа мүсәлманларыны сәадәтли фитир байрамы мүнасибәтилә тәбрик едәрәк, вурғулайыб ки, фитир байрамы Ислам Үммәтинин бирлийинин давам етмәси, мүсәлманларын гүдрәтинин тәзаһүрү вә халгларын һәмрәйлийи шәнлийидир.
Ислам мәдәниййәтиндә шәввал айынын илк ҝүнү фитир байрамы вә фитрәтә гайыдыш шәнлийи кими тәйин едилибдир. Зира оруҹ мүсәлманлар мүбарәк рамазан айы бойунҹа Аллаһ-Таала илә разу-нийаз вә ибадәт едәрәк, ҝүнаһларынын бағышланмасыны диләйиб, өз руһларыны заһири вә дахили чиркинликләрдән тәмизләйиб, беләликлә өз ҝерчәк фитрәтләринә гайыдыблар.
Мисир, Күвейт, Түркийә вә Әфганыстан кими бәзи Ислам өлкәләриндә дүнән, Иран Ислам Республикасы, Малайзийа, Сурийа, Фәләстин вә Пакистан дахил олмагла бәзи диҝәр Ислам өлкәләриндә исә бу ҝүн, чәршәнбә ҝүнү, сәадәтли фитир байрамыдыр.
................
300
