ИРИБ-нин билдирдийинә ҝөрә, Кимйәви Силаһлара Нәзарәт Тәшкилатынын експерти Айан Һендерсон дүнән шәнбә вердийи ачыгламада бу тәшкилатын Сурийанын Дума шәһәринә едилән кимйәви һүҹумла бағлы һесабатынын реаллыглары әкс етдирмәдийини етираф едиб.
Һендерсонун һесабатында дейилир: Сурийанын Дума шәһәриндә, һадисәнин баш вердийи мәкана бахышын кечирилмәси вә ҝөтүрүлән нүмунәләрин анализ едилмәси нәтиҹәсиндә газ капсулларынын һавадан атылмыш олмасы еһтималы чох зәифдир вә бу газ капсулларынын йердә партладылмасы еһтималы чох ҝүҹлүдүр.
2018-ҹи илин апрелиндә Гәрб, Әрәб вә Исраил медиалары аһәнҝдар гайдада Сурийанын Дума шәһәринә кимйәви һүҹумла бағлы йалан хәбәрләр йайараг, елә илк башдан вә һеч бир факт тәгдим етмәдән бу һүҹума ҝөрә Сурийа ордусуну иттиһам етмәйә башладылар.
Бир нечә ҝүндән сонра исә айдын олду ки, үмумиййәтлә кимйәви һүҹум һәйата кечирилмәйиб вә баш вермиш һадисә Гәрб дөвләтләри вә медиаларынын фитнәсиндән башга бир шей дейилмиш. Һүҹум сәһнәси исә "Ағ дәбилгәлиләр" адлы груплашма тәрәфиндән һазырланыб. Мәгсәд террорчулары хилас етмәк олуб.
Кимйәви Силаһлара Гадаға Тәшкилатынын бу сахта һесабаты АБШ вә Гәрб дөвләтләринин 13 апрел 2018-ҹи ил тарихиндә Сурийанын һава базасы вә елми арашдырмалар мәркәзини 103 ракет илә һәдәфә алмасына бәһанә вермиш олду.
..............
300
19 may 2019 - 14:12
Xəbər kodu: 942617
Кимйәви Силаһлара Гадаға Тәшкилаты Сурийанын Дума шәһәринә едилән кимйәви һүҹумла бағлы арашдырмаларын нәтиҹәсинин тәһриф едилмәсинә даир һесабат йайыб. Бу мәсәлә тәшкилатын имиҹинә зәрбә вурмагла йанашы АБШ вә Гәрб үчүн нөвбәти рүсвайчылыг сайылыр.
