Әһли Бејт (әлејһимус-сәлам) - АБНА – Хәбәр Аҝентлијинин вердији хәбәрә әсасән, ишчи вә әмәкчи һәфтәси мүнасибәтилә Иран Ислам Республикасынын һәр јериндән ҝәлән ишчиләр бу ҝүн (24 апрел) Теһрандакы Имам Хомејни Һүсејнијјәсиндә Али Дини Рәһбәр Ајәтуллаһул-үзма Сејид Әли Хаменеи илә ҝөрүшүбләр.
Үмүмдүнја Мүсәлманларынын Али Рәһбәри Ајәтуллаһул-үзма Сејид Әли Хаменеи ҝөрүшдә чыхыш едәрәк, АБШ-ын Ирана гаршы нефт санксијаларындан 8 өлкәјә вердији ҝүзәштин мүддәтини узатмамаг барәдә гәрарына тохунуб вә белә данышыб: “Биринҹиси, онларын сәјләри һеч бир нәтиҹә вермәјәҹәк. Истәдијимиз вә еһтијаҹымыз олдуғу гәдәр нефт ихраҹ едәҹәјик. Онлар (нефт ихраҹы мәсәләсиндә) бүтүн јоллары бағладыгларыны ҝүман едирләр. Анҹаг фәал олан Иран халгы вә тәдбирли рәсмиләри бүтүн манеәләри ашаҹаг.
Икинчиси, бу дүшмәнлик реаксијасыз галмајаҹаг вә дүшмәнә лазым олан ҹаваб вериләҹәк. Иран халгы дүшмәнчилијин гаршысында сәссиз галан бир милләт дејил. Үчүнҹүсү, нефт сатышындан нә гәдәр аз асылы олсаг, о гәдәр дә гијмәтини биләҹәјик. Бу бизим үчүн даһа јахшы олар”.
Дүшмәнин дүнја мигјасында әдаләти һајгыран Ирана гаршы мүхтәлиф суи-гәсдләр тәшкил етдијини вә дәфәләрлә мүвәффәгијјәтсиз олдуғуну хатырладан Али Дини Рәһбәр, белә давам едиб: “Онлар инди дә мүхтәлиф игтисади мәсәләләрлә мәшғул олур вә Иран халгыны диз чөкдүрмәк истәдијини билдирирләр”.
АБШ рәсмиләринә мүраҹиәт едән Али Дини Рәһбәр, Иран халгынын онларын гаршысында диз чөкмәјәҹәјини вурғулајыб.
Америка илә сионистләрин иддиарына тохунан Али Рәһбәр, белә дејиб: “Онлар садәҹә Ислам Республикасы илә дүшмән олдугларыны вә Иран халгына гаршы олмадығыны дејирләр. Амма реаллыг будур ки, Ислам Республикасына дүшмәнчилик Иран халгына дүшмәнчилик демәкдир, чүнки бу режим халг тәрәфиндән дәстәкләндији үчүн ајагда дајаныр вә Иран халгынын дәстәји олмадан Ислам Республикасы да олмајаҹаг”.
Али Рәһбәр Ајәтуллаһул-үзма Сејид Әли Хаменеи чыхышында милли һөрмәтин әһәмијјәтинә тохунараг, бунлары дејиб: “Һеч бир милләт дүшмәнләринин мүәјјән етдији гәрарларын тәсири алтында галмағы гәбул етмәз”.
Диггәт: Хәбәрдән истифадә етдикдә мәнбәјә истинад лазымдыр
