Әһли Бејт (әлејһимус-сәлам) - АБНА – Хәбәр Аҝентлијинин вердији хәбәрә әсасән, Мүгавимәт ҹәбһәси АБШ рәһбәрлијинин Иранын Ингилаб Кешикчиләри Ордусуну (СЕПАҺ) террор тәшкилаты сијаһысына салмасына сәрт реаксија вериб.
Бәһрејндә 14 феврал Ингилабчы Ҝәнҹләр Коалисијасы Американын Иранын Ингилаб Кешикчиләрини “террорчу” кими сәҹијјәләндирмәк гәрарыны писләјән бәјанат вериб.
Бәјанатда белә гејд олунуб: “Бу гәрар АБШ администрасијасынын вә президент Доналд Трампын Әрәб вә Ислам өлкәләринә дујдуглары дәрин нифрәтләрини ҝөстәрир: Гүдсү вә Голаны Исраил режиминин нәзарәтиндә олан торпаглар кими гәбул етмәк мөвзусундакы ијрәнҹ гәрарындан сонра, нөвбәти гәрар 8 апрелдә верилди.
14 феврал Ингилабчы Ҝәнҹләр Коалисијасы олараг, АБШ рәһбәрлијинин бүтүн реҝиону учурумун кандарына вә бөјүк партлајыш һәддинә ҝәтирән Гүдс, Голан вә Иранын Ингилаб Кешикчиләри Ордусу барәдә чылғын гәрарларыны бир даһа писләјирик.
СЕПАҺ реҝионда Американын дәстәкләдији террорла мүбаризә едән вә реҝионун илк вә әсас мүнагишәси ола Фәләстин ишиндә өн ҹәрҝәләриндәдир. АБШ администрасијасы өз сијасәтини тәтбиг етмәклә бу реаллығы дәјишә билмәјәҹәк, чүнки СЕПАҺ гәтијјәти, ҝүҹү вә мәтанәти илә мүгавимәт мәркәзинин гәлбиндәдир”.
Фәләстин Ислами Мүгавимәт һәрәкаты (ҺӘМАС) АБШ-ын СЕПАҺ-ы террор тәшкилатлары сијаһысына салмасы гәрарыны писләјиб.
ҺӘМАС һәрәкатынын вердији јазылы бәјанатда белә гејд олунуб: “Бу гәрар Сионист мараглары вә онун ҝүндәлијинә ҝөрә һәрәкәт едилдијини тәсдиг едир. Реҝионла бағлы бу кор хәјанәт давам едир”.
Бәјанатда АБШ-ын Гүдс вә Голан тәпәләринә даир гәтнамәләриндән сонра, бу ҝүн дә СЕПАҺ-а јөнәлмиш гәрарынын тәк бир әлдән чыхдығы вә ишғалчы гүввәләрә гаршы мүгавимәт үнванларыны һәдәфә алдығы билдирилиб.
Фәләстинин Ислами Ҹиһад һәрәкаты да АБШ-ын СЕПАҺ-ы хариҹи террор тәшкилатлары сијаһысына дахил етмәсини шиддәтлә писләјиб.
Ислами Ҹиһад һәрәкаты тәрәфиндән верилән јазылы ачыгламада, белә гејд олунуб: “АБШ терроризмин әсас мүдафиәчиләриндән биридир вә јеритдији сијасәтләр дә дүнја мигјасында сүлһү тәһдид едир”.
АБШ-ын сионист режимин Фәләстин халгына гаршы ҹинајәтләрини дәстәкләдијини билдирән Ислами Ҹиһад һәрәкаты, буну АБШ-ын бәшәријјәтә гаршы төрәтдији ҹинајәтләрин сүбуту кими сәҹијјәләндириб.
Јәмәнин Әнсаруллаһ һәрәкаты јајдығы бәјанатында, АБШ-ын президенти Доналд Трампын СЕПАҺ-ы террор тәшкилары сијаһысына салмасыны писләјиб.
Әнсаруллаһ да Трампын бу дүшмәнҹәсинә вердији гәрарынын ишғалчы сионист режимә хидмәт етдијини билдириб.
Әнсаруллаһ, һәмчинин АБШ-ын терроризмин әсл һимајәчиси олдуғуну вә террору бүтүн реҝион өлкәләринә јајдығыны гејд едәрәк, бүтүн азадлыгсевәр дүнја милләтләриндән АБШ вә сионист режимин суи-гәсдләри вә дүшмәнчилик гәрарларыны писләмәләрини истәјиб.
Ирагын Али Ислами Шурасынын сәдри Һәмам Һамуди дә чыхышларында, Трампын СЕПАҺ һаггындакы гәрарыны писләјәрәк, СЕПАҺ-ын Ираг вә реҝионда террор тәшкилаты ИШД-лә мүбаризәдә ән ҝүҹлү вә тәсирли гурум олдуғуну билдириб.
Шејх Һәмам Һамуди ачыгламасында, һәмчинин Трампын бу дүшмәнчилик гәрары илә сионист режими мәмнун етмәји вә реҝионда хаос вә бөһрана даһа да тәкан вермәк истәдијини билдириб.
Диггәт: Хәбәрдән истифадә етдикдә мәнбәјә истинад лазымдыр
