Әһли Бејт (әлејһимус-сәлам) - АБНА – Хәбәр Аҝентлијинин вердији хәбәрә әсасән, Ермәнистан президенти Армен Саркисјан апрелин 1-дә Азәрбајҹанын ишғалалтында олан Дағлыг Гарабағ бөлҝәсинә сәфәр едиб.
Бу һагда “Ајсор” ермәни президентин мәтбуат хидмәтинә истинадән мәлумат јајыб.
Онун ики ҝүн әрзиндә Гарабағда галаҹағы билдирилир.
Гејд едәк ки, Кәлбәҹәр рајону 1993-ҹү ил апрелин 2-дә Ермәнистан силаһлы гүввәләри тәрәфиндән ишғал олунуб. Ишғал нәтиҹәсиндә 53340 нәфәр өз дәдә-баба торпагларындан говулуб, 511 динҹ сакин өлдүрүлүб, 321 адам әсир ҝөтүрүлүб вә иткин дүшүб, рајона 761 милјон АБШ доллары мәбләғиндә зијан дәјиб.
Ишғал нәтиҹәсиндә рајон мәркәзи, 150-јә јахын кәнд, һәмчинин онларҹа тарихи-мәдәнијјәт абидәси, бир музеј, “Истису” санаторијасы вә диҝәр мүһүм објектләр ермәни ишғалчыларынын истисмарына чеврилиб.
Үмуми саһәси 3054 кв.км олан Кәлбәҹәр 1930-ҹу ил августун 8-дә инзибати рајон статусу алыб. Гәрбдә Ермәнистан республикасы, шималда Дашкәсән, Ҝөјҝөл, Ҝоранбој, шимал-шәргдә Тәртәр, шәргдә Ағдам, Хоҹалы, ҹәнубда Лачын рајонлары илә һәмсәрһәддир. Рајонун 144 кәнди, 1 шәһәри вә 1 шәһәр типли гәсәбәси вар. Ағдәрә рајонунун 20-јә гәдәр кәнди дә Кәлбәҹәр инзибати бөлҝәсинә дахилдир.
Диггәт: Хәбәрдән истифадә етдикдә мәнбәјә истинад лазымдыр
