Әһли Бејт (әлејһимус-сәлам) - АБНА – Хәбәр Аҝентлијинин вердији хәбәрә әсасән, сабаһ 1439-ҹу Һиҹри Гәмәри тәгвими илә Рәҹәб ајынын 3-ү, 2019-ҹи Милад или Мартын 10-у, Аллаһ Тәаланын јер үзәриндә тәјин етдији 10-ҹу Хәлифәси, һәзрәт Имам Әли Әл-Нәгинин (әлејһи сәлам) Шәһадәтинин илдөнүмү ҝүнүдүр.
Имам Әли Әл-Нәги һәзрәтләри (әлејһи сәлам) 212-ҹи һиҹри гәмәри илиндә Мәдинә шәһәринин јахынлығында дүнјаја ҝөз ачыб. О һәзрәт, мөһтәрәм Атасы, һәзрәт Имам Ҹавадын (әлејһи сәлам) ҝөстәришләри алтында гәрар тапыбдыр.
Атасынын шәһадәтиндән сонра Имам Әли Әл-Нәги һәзрәтләри (әлејһи сәлам) ислами ҹәмијјәтин рәһбәрлији вә имамәти өһдәсинә ҝөтүрүб.
Һәзрәт Имам Әли Әл-Нәгинин (әлејһи сәлам) мәшһур ләгәбләриндән Һади, "һидајәт едән" демәкдир.
Имам Һади (әлејһи сәлам) әсл Исламын нурлу симасынын тәгдиминдә чох сәј ҝөстәрибдир.
О һәзрәт мүхтәлиф дини вә фикри мәсәләләр барәдә бәһс үчүн бир чох јығынҹаглар кечириб вә бу јығынҹагларда верилән суаллар вә ирәли сүрүлән шүбһәләри ҹавабландырыбдыр.
Бир тәрәфдән, Имам Һадинин (әлејһи сәлам) ҝениш елми вә билији, диҝәр тәрәфдән дә о һәзрәтин халг арасындакы бөјүк ҹазибәдарлығы вә һөрмәти Аббаси һөкмранларынын пахыллығы вә күдурәтинә сәбәб олурду вә нәһајәт, онлар бир фитнә илә о һәзрәти шәһид етдиләр.
Биз АБНА олараг һәзрәт Имам Әли Әл-Нәгинин (әлејһи сәлам) шәһадәтинин илдөнүмү ҝүнү мүнасибәтилә бүтүн мүсәлманлара вә дүнјанын диҝәр азадлыгсевәрләринә башсағлығы веририк.
Диггәт: Хәбәрдән истифадә етдикдә мәнбәјә истинад лазымдыр
