Әһли Бејт (әлејһимус-сәлам) - АБНА – Хәбәр Аҝентлијинин вердији хәбәрә әсасән, өтән ил Азәрбајҹан һүгуг-мүһафизә органларынын сорғусу әсасында Русијада сахланылан Талыш фәалы Фәхрәддин Аббасов (Фахродин Абосзода) Лјубертсы шәһәр Истинтаг Тәҹридханасындан “јоха чыхыб”.
Бу һагда “Амнестј Интернатионал” бејнәлхалг инсан һагларыны мүдафиә тәшкилатындакы мәнбә билдириб.
Аббасзадәнин вәкили мәлуматы тәсдигләјиб.
Мәлумата ҝөрә, февралын 27-дә сәһәр саатларында Аббасзадәнин сахланылдығы тәҹридханаја һансыса адамлар ҝәлибләр вә она Баш прокурорлуғун мәктубуну тәгдим едибләр. Мәктубда Аббасзадәнин азад едилмәси гәрары јер алырмыш. Ҝәләнләр ону өзләри илә апарыблар, амма Аббасзадәнин шәхси әшјалары тәҹридханада галыб (!).
Аббасзадәнин Русијада иши үзрә мәһкәмә иҹласы февралын 28-нә тәјин едилмишди вә онун јерини мүәјјән етмәк мүмкүн олмадығындан иҹлас мартын 18-нә тәхирә салыныб.
Рус КИВ-и хәбәр верир ки, “Амнестј Интернатионал” тәшкилаты Русија һөкумәтиндән Фәхрәддин Аббасовун јоха чыхмасы хәбәри илә бағлы гәрәзсиз вә сәмәрәли арашдырма апармағы тәләб едиб.
Диггәт: Хәбәрдән истифадә етдикдә мәнбәјә истинад лазымдыр
