Әһли Бејт (әлејһимус-сәлам) - АБНА – Хәбәр Аҝентлијинин вердији хәбәрә әсасән, Бөјүк мәрҹәји-тәглид алими Ајәтуллаһ Сафи Ҝүлпајгани бир месаж јајараг, сон ҝүнләрдә Сәудијјә режиминдә башы кәсиләрәк өлдүрүлән 6 јашлы Зәкәријјә Әл-Ҹабирин аиләсинә башсағлығы вериб.
Ајәтуллаһ Сафи Ҝүлпајгани месажында бунлары гејд едиб: “Һејвандан даһа пис олан бу вәһши инсанларын чиркин гәлбләри мәрһәмәт вә виҹдандан мәһрумдур? Бејнәлхалг ҹәмијјәт вә Ислам дөвләтләри, хүсусилә Сәудијјә режими нијә бу вәһши ҹинајәт барәдә сүкут едирләр? Онлар сүкутлары илә бу ҹинајәти дәстәкләјирләр!”
Хатырладаг ки, алты јашлы оғлу илә Мәдинәјә, Пејғәмбәрин (с) мүбарәк мәзарыны зијарәт етмәк үчүн ҝедән ана таксијә әјләшир. Гадын машына әјләшәндә астадан бисмиллаһ, Пејғәмбәрә (с) вә Әһли-Бејтә салават дејир. Буну ешидән сүрүҹү гадындан әсәби һалда “сән Шиәсән?” дејә сорушур. Гадын бәли дејә ҹаваб верир. Бираз ҝетдикдән сонра машыны гәфил сахлајан сүрүҹү гадына тәрәф һүҹүм чәкир вә ону итәләјиб ушағы әлиндән алыр. Әлиндәки шүшә парчасы илә ушағын боғазыны кәсир. Зәкәријјә әл-Ҹабир адлы 6 јашлы ушаг анасынын ҝөзү өнүндә тәкфирчи вәһһаби тәрәфиндән боғазы кәсиләрәк гәтлә јетирилир.
Зәкәријјәнин әмисинин билдирдијинә ҝөрә ана хәстәханаја јерләшдирилиб, о һадисәнин дәһшәтиндән һәлә өзүнә ҝәлмәјиб.
Ушағын аиләси ҹинајәткарын ејни илә едамыны тәләб едир, Сәудијјә полиси исә һәмин вәһһабинин әгли хәстә олдуғуну билдириб.
Диггәт: Хәбәрдән истифадә етдикдә мәнбәјә истинад лазымдыр
