Әһли Бејт (әлејһимус-сәлам) - АБНА – Хәбәр Аҝентлијинин вердији хәбәрә әсасән, Ливанын Һизбуллаһ һәрәкатынын баш катиби Сејид Һәсән Нәсруллаһ јени гурулан һөкумәтин сијаси гүввәләрдән ибарәт олдуғуну, Һизбуллаһын да бу просесин бир парчасы олдуғуну сөјләјиб.
Јахын Шәрг КИВ-ләринә истинадән хәбәр верир ки, Сејид Һәсән Нәсруллаһ дүнән (4 феврал) ахшам ҝүндәмдәки просесләрлә бағлы телевизијада чыхыш едәрәк, Исраил режиминин баш назири Бинјамин Нетанјаһунун “Һизбуллаһын Ливан һөкумәтинә шәрик олмасынын Иранын Ливана һаким олмасы мәнасына ҝәлдији” барәдә сөзләрини тәнгид едиб: “Сионист дүшмән, хүсусилә дә Бинјамин Нетанјаһу, јалан вә һәгигәтдән узаг иддиаларла чыхыш едәрәк, мөвҹуд Ливан һөкумәтини Һизбуллаһын һөкумәтидир кими ҝөстәрмәјә чалышыр. Бәзиләри дә Ливанда бу әсассыз сөзләрин ардынҹа ҝедирләр. Амма реаллыг будур ки, сәсләндирилән иддиа тамамилә јаландыр.
Нетанјаһунун Ливан һөкумәтинин Һизбуллаһ тәрәфиндән идарә едилдијини иддиа етмәсинин мәгсәди Америка, Авропа вә реҝион өлкәләрини Ливан һөкумәтинә гаршы гызышдырмагдыр. Мөвҹуд Ливан рәһбәрлији бүтүн халгымыза мәхсусдур. Һәр бир шәхс бу һөкумәтдә өз вәзифәсини јеринә јетирмәлидир. Һөкумәт, сијаси гүввәләрдән формалашыр вә биз дә Һизбуллаһ олараг бу просесин бир һиссәсијик”.
Сејид Һәсән Нәсруллаһ, һәмчинин өлкә дахилиндә һөкумәти Һизбуллаһ һөкумәти олмагда иттиһам едән гүввәләрә дә сәсләнәрәк, бу һәрәкәтләринә сон вермәләрини истәјиб.
Јени һөкумәтдә јер алан сијаси гүввәләрдән мөвҹуд нараһатлыглары арадан галдырмаг үчүн мүсбәт бир мөвге нүмајиш етдирмәләрини истәјән Сејид Һәсән Нәсруллаһ, һөкумәти ҝөзләјән ваҹиб проблемләрин олдуғуну вә бу сәбәбдән сакитлијә вә медиа мүзакирәләриндән узаг дурмаға еһтијаҹ олдуғуну сөјләјиб.
Һөкумәтин приоритетләринин башында игтисади вәзијјәтин дајандығыны билдирән Сејид Һәсән Нәсруллаһ, игтисади вәзијјәти дүзәлтмәк үчүн илк нөвбәдә коррупсија вә исрафчылыгла мүбаризә апармағын зәрурилијини гејд едиб.
Сејид Һәсән Нәсруллаһ мүһүм мәсәләләрин, башгаларына үстүн олмаг әсасында јох, анлајыш вә разылашма мәнтиги илә мүзакирә едилмәсини истәјиб.
Иран Ислам ингилабынын гәләбәси ҝүнләри барәдә дә данышан Сејид Һәсән Нәсруллаһ, белә дејиб: “Имам Хомејнинин рәһбәрлијиндә Иран Ислам Ингилабы тарихин истигамәтини дәјишди. Бу ингилабын Фәләстин, мүгавимәт вә бөлҝәнин талеји илә бирбаша әлагәси вар”.
Сејид Һәсән Нәсруллаһ Ислам ингилабынын 40-ҹы гәләбә илдөнүмүнүн чох мөһтәшәм шәкилдә кечирилмәли олдуғуну вурғулајараг, белә дејиб: “Иран Ислам ингилабынын 40 јашына чатмасы, АБШ вә мүттәфигләринин гурдуғу бүтүн һијләләрин мәғлубијјәтә дүчар олдуғуну ҝөстәрир”.
Диггәт: Хәбәрдән истифадә етдикдә мәнбәјә истинад лазымдыр
