Әһли Бејт (әлејһимус-сәлам) - АБНА – Хәбәр Аҝентлијинин вердији хәбәрә әсасән, Түркијә тәрәфиндән Суријанын Ифрин (Африн) бөлҝәсинин ишғал етмәсинин биринҹи илдөнүмү ҝүнү шәһәрдә ики бомба партладылыб.
Бомбалардан бири шәһәрин мәркәзиндә һәрәкәт едән сәрнишин автобусунда гурашдырылыб диҝәри исә хијабан кәнарында зибил гутусунда јерләшдирилиб. ПКК вә ЈПҜ террорчулары тәрәфиндән баш верән партлајыш заманы ики сивил һәјатыны итириб.
Хатырладаг ки, Түркијә ишғалчы ордусу 20 Јанвар 2018-ҹи илдә Сурија Дөвләтинин рәсми иҹазәси олмадан Сурија торпагларына тәҹавүз едәрәк Суријанын Ифрин шәһәрини АСО- Азад Сурија Ордусу адлы террорчу груплашманын ҝүҹү илә әлә кечиртмишдир.
Зејтун Әмәлијјаты ады илә Түркијә ишғалчы гүввәләрин Сурија торпагларында башлатдығы әмәлијјат Сурија Дөвләти вә диҝәр дүнја өлкәләри тәрәфиндән кәскин сүрәтдә писләнмишдир.
Түркијә исә өз нөвбәсиндә бу әмәлијјаты ПКК вә ЈПҜ террорчуларына гаршы һәјата кечиртдиини билдирир...
Диггәт: Хәбәрдән истифадә етдикдә мәнбәјә истинад лазымдыр
