Әһли Бејт (әлејһимус-сәлам) - АБНА – Хәбәр Аҝентлијинин вердији хәбәрә әсасән, Ливанын јүксәк сәлаһијјәтли рәсмиләриндән бири Исраил режиминин јаз ајларында Ливана гаршы башладаҹағы мүмкүн бир әмәлијјата Һизбуллаһын там һазырлыглы вәзијјәтдә олдуғуну билдириб.
Ал-Лиwаа гәзетинин хәбәринә ҝөрә, ады ачыгланмајан Ливан рәсмиси белә гејд едиб: “Тәл-Әвив рәһбәрлији Исраил режиминин ордусунун Ливан сәрһәдләриндә “Шимали Галханы” ады илә башлатдығы әмәлијјатын баша чатмасындан сонра, гаршыдакы јаз ајларында өлкәмизә гаршы јени әмәлијјат кечирмәјә һазырлашыр”.
Һизбуллаһын Исраил режиминин һәрәкәтләрини јахындан тәгиб етдијини гејд едән Ливан рәсмиси, сөзләрини белә давам етдириб: “Һизбуллаһ мадди-техники вә һәрби бахымдан Исраил режими тәрәфиндән баш верәҹәк истәнилән бир һүҹумла үзләшмәјә һазырдыр. Исраил режиминин башлатдығы “Шимал галханы” әмәлијјаты илә “Мави Кәмәр” бөлҝәсиндә сементли бир дивар инша етмәси бу мүһарибәнин әсасыны гојур”.
Диггәт: Хәбәрдән истифадә етдикдә мәнбәјә истинад лазымдыр
