Әһли Бејт (әлејһимус-сәлам) - АБНА – Хәбәр Аҝентлијинин вердији хәбәрә әсасән, һөҹҹәтүл-ислам Ҹавад Ежеи бу ҝүн Алманијанын Һамбург шәһәриндә јерләшән Ислами мәркәзиндә Үмүмдүнја Мүсәлманларынын Али Лидери һәзрәт Ајәтуллаһ Хаменеи ҹәнабларынын Авропа тәләбәләри Ислами ҹәмијјәтләри бирлијинин 53-ҹү иҹласына етдији мүраҹиәтини охујуб.
Имам Хаменеи ҹәнаблары етдији мүраҹиәтиндә билдирибләр: "Дүнјанын һәр бир јериндә иранлы тәләбәләрин Иран Ислам Республикасыны әҹнәбиләрә еһтијаҹсыз едән инкишаф һәрәкәтинә гошулмалары Аллаһын јолунда ҹиһаддыр."
Ингилаб Рәһбәри даһа сонра бујурублар: "Тәләбәләр Иран Ислам Республикасынын ән әсас ҝәләҹәк үмидләри сырасындадыр."
"Һамынын билмәли олдуғу бундан ибарәтдир ки, Аллаһын мәрһәмәти илә бу ҝүн дүнәнин чохлу сајда тәләбәләри бөјүк ишләрлә мәшғулдурлар вә өз вәтәнләриндә елм вә технолоҝијанын инкишафына хидмәт ләззәтини бүтүн варлыглары илә һисс едирләр."-дејә Ислам Ингилабынын Али Рәһбәри бујурублар.
Имам Хаменеи ҹәнаблары даһа сонра вурғулајыблар: "Дүнјанын һәрһансы бир јериндә тәләбәләр мөмин вә хидмәтчи топлумлара гошулмаг вә Иран Ислам Республикасыны әҹнәбиләрә там еһтијаҹсыз етмәк фүрсәтинә малик олаҹаглар вә бу һәрәкәт Илаһи вә сәдагәтли нијјәтлә јанашы олдуғунда Аллаһын јолунда ҹиһаддыр."
Диггәт: Хәбәрдән истифадә етдикдә мәнбәјә истинад лазымдыр
