Әһли Бејт (әлејһимус-сәлам) - АБНА – Хәбәр Аҝентлијинин вердији хәбәрә әсасән, Франсада Сары Жилетлиләр һәрәкатынын лидерләриндән Ерик Друе иҹазәсиз аксија кечирмәк иттиһамы илә һәбс едилиб.
Прокурорлугдан Франсанын АФП информасија аҝентлијинә верилән мәлумата ҝөрә, Ерик Друе иҹазәсиз митинг кечирмәк иттиһамы илә һәбс едилиб.
ДW-нин хәбәринә ҝөрә, һал-һазырда силаһ ҝәздирмәк иттиһамы илә мүһакимә олунан Ерик Друенин пајтахт Парисдә Јелисеј чөлләринә ҝедәркән сахланылдығы билдирилиб. Ерик Друенин Зәфәр Тағы абидәсинин јахынлығында онларла нүмајишчинин ҝөзләдији гејд олунуб.
Ерик Друенин һәбс едилмәси франсалы сијасәтчи Жан Лук Мелехонун реаксијасына сәбәб олуб. О, Тwиттер-дән вердији ачыгламасында белә гејд едиб: “Ерик Друе јенә сахланылды, нијә? Ҝүҹдән суи-истифадә олунур. Сијасиләшән полис, Сары Жилетлиләр һәрәкатынын лидерләрини һәдәфә алыр”.
Диггәт: Хәбәрдән истифадә етдикдә мәнбәјә истинад лазымдыр
