Әһли Бејт (әлејһимус-сәлам) - АБНА – Хәбәр Аҝентлијинин вердији хәбәрә әсасән, Ислам Ингилабы Кешикчиләри Корпусу- Сепаһ-ын командан әвәзи дејиб: Ислами Иран ҝөстәрди ки, мүхтәлиф мејданларда дүнја империализмини мәғлуб етмәк гүдрәти вә имканына маликдир.
Бригада ҝенералы пасдар Һосејн Сәлами бу ҝүн Теһранда 9 деј мәрасиминдә сонра белә дејиб: Иран Ислам Ингилабынын 1979-ҹу ил февралын он бириндә зәфәр чалмасы Америкаја ағыр зәрбә ендирди вә шаһын сүгут етмәси илә империализмин вүҹудуна зәлзәлә салды ки, һәлә дә Америкаја вә онун мүттәфигләринә әзаб вермәкдәдир. Бу, Иран халгынын адына гејдә алынан Американын илк ашкар мәғлубијјәти иди.
Ислам Ингилабы Кешикчиләри Корпусу- Сепаһ-ын командан әвәзи сөјләјиб: Американын Теһрандакы ҹасуслуг јувасынын әлә кечирилмәси дә Американын Иран Ислам Республикасындакы иштиракына тәјинедиҹи сон ҝүллә иди вә биринҹи ингилабдан даһа бөјүк ингилаб адыны алды.
Ҝенерал Сәлами дејиб: Гејри-бәрабәр бир мүһарибәдә һејранедиҹи гәләбә Иранын гүдрәт нүмајишләриндән бири иди вә гәбул етдирилмиш мүһарибәдә империализмин белини гырды.
Ислам Ингилабы Кешикчиләри Корпусу- Сепаһ-ын командан әвәзи һәмчинин дејиб: Иранын бөјүк халгы 1388-ҹи ҝүнәш или деј ајынын доггузунда да бу өлкә тарихиндә гәһрәманлыг јаратды ки, бу халгын тарихиндә јадда галан бир ҝүн кими парламагдадыр.
Диггәт: Хәбәрдән истифадә етдикдә мәнбәјә истинад лазымдыр
